Push Admin

SOCO: Katutubong Aeta na 'nambato' ng aso, binaril sa ulo

Article (news)

ABS-CBN News

<div><script src="https://connect.facebook.net/en_US/sdk.js#xfbml=1&amp;version=v2.5" async="" type="text/javascript"></script></div><div class="fb-post" data-href="https://www.facebook.com/SOCOtv/videos/1590970370956875/" data-width="auto"> </div><div> </div><p>Nakatira ang pamilya Bulatao sa isang tahimik at payak na komunidad ng mga katutubong Aeta sa Sitio Baculi, Brgy. Cadmang, Cabangan, Zambales at pagtatanim ang pangunahing pinagkukuhanan nila ng kabuhayan.</p><p>“Nagtatanim kami ng sariling gulay. ‘Yun po ang ititinda namin sa bayan,” kuwento ng maybahay na si Agustina Bulatao.</p><p>“Araw-araw po ‘yan. Wala akong hinto ng pagtitinda ng gulay. Kung wala po akong maibaba na gulay, aangkat na lang po ako para lang po [makakain] ang mga anak ko.”</p><p>Nagsilbing haligi ng pamilya ang 26-taong gulang na anak niyang si Bobby simula nang sumakabilang-buhay ang kanilang ama.</p><p>“Kung nakikilupa siya, binibigay niya sa akin ang mga [kita] niya,” pag-alala ni Agustina. “Pati na ang mga kapatid niya. Lahat ng [kailangan] binibigay niya sa mga kapatid niya.”</p><p>Bagama&#x27;t hindi nakapag-aral ang binata, nagsumikap ito para maitaguyod ang pamilya.</p><p>“Siya po ang tumutulong, at nagpapaaral po siya eh. Ilan po ang pinapaaral niya, tatlo.”</p><p>Pero nitong Pebrero 16, naging biktima ng isang krimen si Bobby.</p><p>Alas-10 ng gabi nang magpaalam si Bobby sa kaniyang ina.</p><p>“Humingi pa nga ng P20 sa akin eh. Sabi, ‘Nay, pahingi ng P20. Pambili ko ng sigarilyo.’”</p><p>Bandang alas-11 ng gabi nang rumesponde ang grupo ni SPO3 Jeffrey Arquero malapit sa kanilang lugar kung saan inabutan nila si Bobby na halos wala nang buhay.</p><p>“May tama sa ulo. Humihinga pa po siya, pero konti-konti na lang,” ayon kay Arquero.</p><p>Nadatnan rin ng grupo ang isa pang lalaki na malubha ang kalagayan.</p><p>“Naririnig po naming umuungol at nanghihingi ng tulong. Nakatagilid po siya at hinahawakan ang tiyan.”</p><p>Dinala sa ospital ang dalawang biktima, ngunit hindi na nakaabot nang buhay si Bobby sa ospital.</p><p>“Pagdating ko po [sa ospital], nakatalukbong na siya ng kumot,” pag-alala ni Agustina. “Kasi magulang po ako, makikita mong ganon, nakatalukbong ang anak mo.”</p><p>Base sa post-mortem examination, isang tama ng bala sa ulo ang direktang ikinamatay ng biktima.</p><p>“Sabi ko, para silang hayop na pumatay ng tao na walang kalaban-laban. Hindi matino ang pag-iisip nila.”</p><p>Sa imbestigasyon, napag-alamang nadaan ang grupo ni Bobby sa isang bahay kung saan pinagbintangan sila na nanggulo sa isang alagang aso. </p><p>Sino nga ba ang responsable sa naturang pamamaril kina Bobby at kasama nitong lalaki? Panoorin ang buong kuwento sa “SOCO: Scene of the Crime Operatives” ngayong Sabado, 4:15 p.m. pagkatapos ng “Ipaglaban Mo!” sa ABS-CBN.</p><p>Para sa karagdagang detalye, sundan ang “SOCO” sa Facebook (www.fb.com/SOCOtv) at Twitter (www.twitter.com/SOCOtv).</p><div><strong>--Ulat ni Toph Doncillo, ABS-CBN News</strong></div>

<p>Nakatira sa isang payapang komunidad ng mga katutubong Aeta sa Cabangan, Zambales ang pamilya Bulatao, pero gabi noong Pebrero 16 ay trahedya ang sinapit ng 26-anyos na si Bobby matapos matagpuang may tama ng bala sa ulo.</p>

Nakatira sa isang payapang komunidad ng mga katutubong Aeta sa Cabangan, Zambales ang pamilya Bulatao, pero gabi noong Pebrero 16 ay trahedya ang sinapit ng 26-anyos na si Bobby matapos matagpuang may tama ng bala sa ulo.