Push Admin

'Huwag munang lumabas ng bahay': Mga maaari, bawal gawin sa Luzon quarantine

Article (news)

ABS-CBN News

MAYNILA (UPDATE) - Pinalawig at pinaigting ng pamahalaan ang community quarantine sa buong Luzon simula alas-12 nang madaling araw ng Martes, Marso 17.Ito ay para mapigilan ang pagkalat sa bansa ng coronavirus disease 2019 (COVID-19). Narito ang ilang dapat malaman tungkol sa pagpataw ng nasabing quarantine, na magtatagal hanggang alas-12 ng madaling araw ng Abril 13.<div>PAGKAKAIBA SA GENERAL COMMUNITY QUARANTINE</div>Ang “enhanced community quarantine” ay mas pinalawig na bersiyon ng general community quarantine - na ipinataw sa Kamaynilaan at iba pang lungsod noong nagdaang mga araw. Sa ilalim ng enhanced community quarantine, iginigiit ang mas mahigpit na pananatili sa bahay; minamandato ng gobyerno ang pagsuspinde ng mass transport, at pagkaroon ng pagrasyon ng mga pagkain at iba pang pangagailangang-pangkalusugan. Magkakaroon din ng mas malawakang pagronda ng mga unipormadong awtoridad at pagbabawalan pa rin ang mass gatherings. <div>TRANSPORTASYON</div>• Mga bawal: Sa ilalim ng kasalukuyang quarantine sa Luzon, suspendido ang operasyon ng lahat ng mass transport facilities. Halimbawa rito ang mga sumusunod: <ul>	<li>Lahat ng linya ng MRT, LRT, PNR </li>	<li>Public utility vehicles gaya ng bus at jeep</li>	<li>Ride-hailing services gaya ng Grab</li>	<li>FX, UV Express</li>	<li>P2P Buses</li>	<li>Motorcycle taxis gaya ng Angkas, JoyRide, at MoveIt </li></ul>•Mga hindi kasama sa travel restrictionsIpagpapaliban sa quarantine travel restrictions ang paggalaw ng cargo sa buong Luzon. Maaari ring gumamit ng pribadong sasakyan kapag lalabas lamang para mamili ng mga basic necessity gaya ng pagkain at gamot— pero iisang tao lang kada kabahayan ang maaaring lumabas. Maaari ring magbukas ang mga food delivery app, ayon sa Department of Trade and Industry. Makakaikot din ang mga media personnel gaya ng mga reporter, pero kinakailangan nilang makakuha ng permit mula sa Presidential Communications Operations Office. Maaari ring lumibot ang mga security personnel ng mga pribadong establisimyento habang pinapairal ang community quarantine. Hindi rin kasama sa travel restrictions ang mga magsasaka, pero dapat isailalim ang mga ito sa mga checkpoint bilang pag-iingat kontra COVID-19, ayon kay Trade Secretary Ramon Lopez.<div>• Mga probisyon sa international flights: </div>Unang nagbigay ng 72 oras na taning ang gobyerno para sa mga nais umalis ng bansa pagkatapos ng implementasyon ng quarantine. Pero kalauna&#x27;y binawi na ito, ayon kay Cabinet Secretary Karlo Nograles sa isang press briefing, gabi ng Martes. Isang tao lang ang papayagang sumama sa nasabing pasahero - ang maghahatid dito sa paliparan. Dapat din ay mayroon itong kopya ng ticket para payagang bumiyahe sa gitna ng ipinatutupad na home quarantine. Kung international passenger na papunta na sa bansa sa oras ng pagpataw ng quarantine, maaari lamang siyang ipasok kung papasa ito sa quarantine procedures ng mga awtoridad.Limitado lang din ang papasok na mga flight sa pag-repatriate.<div>CLASS AT WORK SUSPENSION </div>* Class suspensions: Palalawigin ang class suspensions sa lahat ng antas sa buong Luzon hanggang Abril 14. Paiiralin naman ang “work from home” arrangement para sa mga kawani ng executive branch ng gobyerno, maliban sa mga kawani ng Philippine National Police, Armed Forces of the Philippines, Philippine Coast Guard, health and emergency frontline services, at border control —na maituturing umanong skeletal workforce sa gitna ng community quarantine. Maaari namang magbukas ang mga pribadong establisimyento na may kinalaman sa food and medicine production. Halimbawa rito ang: <ul>	<li>Palengke</li>	<li>Supermarket</li>	<li>Grocery</li>	<li>Convenience store</li>	<li>Ospital</li>	<li>Delivery services</li>	<li>Medical clinic</li>	<li>Water refilling stations; </li>	<li>Mga botika</li>	<li>Mga trabahong may kinalaman sa pera gaya ng bangko, money transfer services at mga pasilidad na may kinalaman sa kuryente, tubig, at telecommunications</li></ul>Bukas din ang mga Business Process Outsourcing establishments, basta’t isailalim ang mga empleyado sa social distancing, at mabigyan ng libreng accommodation ang mga ito pagdating ng Miyerkoles, Marso 18<div>• Transportasyon ng mga kailangang magtrabaho kahit quarantine</div>Ayon kay Paranaque Mayor Edwin Olivarez, pinuno ng Metro Manila Mayors Council (MMMC), maaaring kailanganin ng mga naturang indibidwal na maglakad papuntang trabaho. Hinikayat din ng Malacanang ang mga negosyo na maglaan ng temporary accomodation sa mga trabahador na kailangan pang pumasok sa quarantine period. <div>• May ayuda ba ang mga mawawalan ng trabaho? </div>Nanawagan na si Pangulong Rodrigo Duterte sa mga employer na i-advance ang 13th month pay ng mga trabahador para masustentuhan ang kawalan ng kita sa quarantine period. Iniutos na rin ng gobyerno sa mga ahensiya na pag-aralan ang mga patakaran na maaaring makatulong sa mga trabahador, gaya ng mga moratorium o paghinto ng paniningil sa upa, pagpapalawig ng deadline sa utility bills, at tulong para sa maliliit na negosyo. <div>PARUSA SA LALABAG </div>Sakaling lumabag sa quarantine, maaaring managot sa kasong krimen ang mga hindi susunod. Tiniyak na ni Justice Secretary Menardo Guevarra na hindi maaaring arestuhin ang mga lalabag sa pagpasok at paglabas sa mga quarantine area. Pero may karapatan umano silang pagbawalan ang paglilibot ng mga tao. Pero maaari aniyang magsagawa ng warrantless arrest kapag nanuhol, nagsagawa ng slander o kaya assault sa law enforcer. Araw-araw pag-aaralan ng mga kawani ng gobyerno ang enhanced community quarantine sa Luzon at maaari silang magpataw ng mga patakaran o pagbabago na layong kontrolin ang pagkalat ng COVID-19.

Narito ang ilang dapat malaman tungkol sa pagpataw ng Enhanced Community Quarantine, na magtatagal hanggang alas-12 nang madaling araw ng Abril 13.

Narito ang ilang dapat malaman tungkol sa pagpataw ng Enhanced Community Quarantine, na magtatagal hanggang alas-12 nang madaling araw ng Abril 13.