Push Admin

Truck, van, nahulog sa gilid ng SLEX sa Muntinlupa City; 1 patay, 5 sugatan

Article (news)

ABS-CBN News

<figure class="op-interactive"><div id="IVS_ABS_Body_Video_1_Container"> <ivs-player id="IVS_ABS_Body_Video_1" data-ivs-spid="3001339" data-ivs-key="e8c22c015ca9eafa76f1e3edfa03c603" data-ivs-vid="1388266" data-ivs-floating="1"></ivs-player> <script src="https://player.ivideosmart.com/ivsplayer/v4/dist/js/iframe-parent.js"></script> <script src="https://player.ivideosmart.com/ivsplayer/v4/dist/js/loader.js"></script> </div></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Isa ang patay at lima ang sugatan nang mahulog ang isang trak at nakaparadang van sa gilid ng South Luzon Expressway sa Muntinlupa City nitong madaling araw ng Biyernes. </p><p>Nakaparada lang daw ang van sa lugar nang banggain ng nasabing trak at mahulog sa bakanteng lote sa may bandang SLEX. </p><p>Sa apat na sakay ng van, isa ang itinakbo sa ospital at nasa maayos na kondisyon na matapos magtamo ng hiwa sa kaliwang paa. </p><p>Nakaligtas ang driver ng dump truck pero ang binawian ng buhay ang pahinanteng si Esmar Tolentino. </p><p>Hawak na ng Philippine National Police-Highway Patrol Group ang drayber ng trak na si Edccel Adorna, na aminadong nakatulog siya habang nagmamaneho. </p><p>Ito raw ang dahilan kaya nabangga ang nakaparadang van at bumulusok sila pababa. </p><p>Kuwento ng pahinante ng van na si Angelito Lucio, maghahatid sana sila ng panindang toyo at suka sa Calamba, Laguna. </p><p>Pero nasiraan sila ng makina kaya nagpasya silang pumarada muna sa gilid ng SLEX southbound habang naghihintay na tulong. </p><p>Nasaksihan naman ng residenteng si Ronalyn Malic ang insidente at nagpasalamat na hindi sa kanilang bahay nahulog ang dalawang sasakyan.</p><p>Wala pang nagsasampa ng reklamo laban sa drayber ng trak dahil nakipag-areglo na sa kompanya niya ang mga biktima. <strong>-- Ulat ni Bianca Dava, ABS-CBN News</strong></p>

<p>Isa ang patay at 5 ang sugatan nang mahulog ang isang trak at van sa gilid ng South Luzon Expressway sa Muntinlupa City.</p>

Isa ang patay at 5 ang sugatan nang mahulog ang isang trak at van sa gilid ng South Luzon Expressway sa Muntinlupa City.