Doktor may paalala sa tamang paggamit ng DIY face mask

MAYNILA — Sa harap ng banta ng coronavirus disease (COVID-19), nagkakaubusan ng supply ng mga personal protective equipment (PPE) para sa health care workers sa bansa.

Bunsod nito, kaniya-kaniya na ang frontliners, tulad ng mga doktor at nurse, sa paggawa ng mga improvised PPE.

Ang endocrinologist na si Monica Cating-Cabral, nakagawa ng do-it-yourself (DIY) face mask gamit ang paper towels, rubber band, at pilon cloth na bigay ng kaniyang pasyente.

TINGNAN: Ang endoctrinologist na si Dr. Monica Cating-Cabral, nakagawa ng DIY face mask gamit ang paper towels, rubber bands at pilon cloth na bigay ng kanyang pasyente. #COVID19 @ABSCBNNews pic.twitter.com/ydd04d8ntd

— Bianca Dava (@biancadava) March 22, 2020

"We used the fabric our patient gave us. We decided to layer it with something else, like paper towels for increased filtration and blockage," ani Cabral.

"It’s something that other people can use. It’s not meant for healthcare workers in the frontline. If you’re dealing with somebody who’s sick, you should not be using these masks," dagdag niya.

Cabral sa tamang paggamit ng face mask: Some masks are open on the sides or are very loose on top. Worse, some people don’t wear them properly. It’s supposed to cover the nose and the mouth. #COVID19 @abs pic.twitter.com/KP6YKIVZhU

— Bianca Dava (@biancadava) March 22, 2020

Sa Iloilo City, gawa naman sa eco bag ang mga tinahing face mask ng designer na si Binky Pitogo para sa frontliners ng Medicus Medical Center.

TINGNAN: Gawa sa ecobag ang mga tinahing face mask ng designer na si Binky Pitogo para sa frontliners ng Medicus Medical Center sa Iloilo City. (📷 Binky Pitogo) #COVID19 @ABSCBNNews pic.twitter.com/Aep77aCPTW

— Bianca Dava (@biancadava) March 22, 2020

Paalala ni Cabral ay dapat tama ang paggamit ng mga improvised mask, at mahigpit na natatakpan ang ilong at bibig.

"Some people don’t wear them properly. It’s supposed to cover the nose and the mouth," aniya.

Bukod sa face mask, nag-improve na rin ng protective suit ang health workers sa Las Piñas Doctors Hospital, na raincoat ang ginamit.

TINGNAN: Nag-improvise din ng protective suit ang healthcare workers sa Las Piñas Doctors Hospital, na raincoat ang ginamit. #COVID19 @ABSCBNNews pic.twitter.com/WgIbxFbDPh

— Bianca Dava (@biancadava) March 22, 2020

Maging ang Department of Internal Medicine sa West Visayas State University Medical Center ay gumawa ng PPE mula sa plastic table cloth.

TINGNAN: Gawa naman sa plastic table cloth ang protective suit ng isang doktor sa Department of Internal Medicine ng West Visayas State University Medical Center sa Iloilo City. #COVID19 @ABSCBNNews pic.twitter.com/EBfnLZetqo

— Bianca Dava (@biancadava) March 22, 2020

Namigay naman si Jose Timothy Chua, isang third-year ophthalmology resident, ng improvised face shield gawa sa plastic, foam, at tape sa frontliners sa Philippine General Hospital.

TINGNAN: Double effort ang mga empleyado ng Bell-Kenz sa paggawa ng mga DIY face shield para sa frontliners kahit naka-lockdown ang Luzon. (📷 Bell-Kenz) #COVID19 @ABSCBNNews pic.twitter.com/qTtP3holBo

— Bianca Dava (@biancadava) March 22, 2020

Ang mga empleyado ng kompanyang Bell-Kenz naman ay gumawa ng DIY face shield para sa frontliners.

Inamin naman ni Cabral na hindi man 100 porsiyentong epektibo ang mga DIY PPE, mas mabuti na raw ito kaysa walang proteksiyon.

-- Ulat ni Bianca Dava, ABS-CBN News