Push Admin

2 linggo kulang para maibsan ang COVID-19 surge: OCTA

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img src="https://sa.kapamilya.com/absnews/abscbnnews/media/2021/life/03/24/20210322-bubble-lockdown-quarantine-jc-033315110_ios.jpg"/><figcaption>Checkpoint sa border ng San Jose Del Monte, Bulacan at Caloocan City noong Marso 22, 2021. <em>Jonathan Cellona, ABS-CBN News</em></figcaption></figure></div><p>Hindi agad-agad makikita ang epekto ng mas mahigpit na general community quarantine (GCQ) na ipinatupad sa Metro Manila at ilang karatig-lalawigan, sabi ngayong Miyerkoles ng isang grupong nagsasagawa ng mga pag-aaral sa COVID-19 data.</p><p>Ang mas mahigpit na GCQ sa National Capital Region (NCR), Bulacan, Cavite, Laguna, at Rizal — o iyong tinatawag na &quot;NCR Plus Bubble&quot; — ang nakitang solusyon para mapigilan ang pagsipa ng COVID-19 cases sa mga naturang lugar.</p><ul class="op-related-articles">	<li><a href="https://news.abs-cbn.com/news/03/22/21/covid-19-cases-inaasahang-mababawasan-dahil-sa-mas-mahigpit-na-gcq">COVID-19 cases inaasahang mababawasan dahil sa mas mahigpit na GCQ</a></li></ul><p>Pero ayon kay Guido David ng OCTA Research Group, marahil kulang ang 2 linggo para mapababa ang reproduction number ng sakit.</p><p>&quot;Mukhang at least 4 weeks ang kailangan. Hindi naman natin sinasabing imposibleng bumaba in 2 weeks. Pero sinasabi lang natin, mukhang unlikely based on mathematics and &#x27;yong history natin,&quot; sabi ni David.</p><ul class="op-related-articles">	<li><a href="https://news.abs-cbn.com/news/03/24/21/m-manilas-covid-19-surge-continues-decline-depends-on-civil-society-cooperation-octa">Metro Manila&#x27;s COVID-19 surge continues; decline depends on civil society cooperation: OCTA</a></li></ul><p>Para sa OCTA, hindi lang ang mga nasa &quot;NCR Plus Bubble&quot; ang dapat bantayan kundi pati ang mga nasa labas, partikular ang Pampanga at Batangas na nakitaan din ng pagtaas ng bilang ng COVID-19 cases.</p><figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=1646772" width="100%"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Ayon sa grupo, baka mas mabilis pang mapigil ang pagkalat ng sakit kung mas maluwag na modified enhanced community quarantine (MECQ) o &quot;soft MECQ&quot; ang ipatupad.</p><p>&quot;Maybe an MECQ of two weeks will do it... Pero may cost po ito. May social and economic cost po. Kaya sina-suggest naming soft MECQ para hindi malaki ang ayudang ilalabas ng gobyerno,&quot; ani Ranjit Rye ng parehong grupo.</p><p>Nauna nang sinabi ni Presidential Spokesperson Harry Roque na inaasahang mababawasan nang 25 porsiyento ang mga kaso ng COVID-19 sa bansa bilang resulta ng &quot;NCR Plus Bubble.&quot;</p><ul class="op-related-articles">	<li><a href="https://news.abs-cbn.com/news/03/22/21/covid-19-cases-inaasahang-mababawasan-dahil-sa-mas-mahigpit-na-gcq">COVID-19 cases inaasahang mababawasan dahil sa mas mahigpit na GCQ</a></li></ul><p>Ayon naman sa Department of Health, malinaw na may kinalaman ang mas nakahahawang variants ng COVID-19 sa pagtaas ng bilang ng mga kaso.</p><p>Pero ipinaliwanag ng ahensiya na hindi pa naman nila nakikitang nakapagdulot ng mas malalang uri ng COVID-19 ang mga variant.</p><p>Ito ay sa kabila ng pag-aaral sa United Kingdom (UK) na nagsasabing ang UK variant ay posibleng nagdudulot ng severe illness.</p><p>&quot;Habang dumadami ang kaso, siyempre dadami rin ang may severe at critical. So &#x27;yon ang gusto nating i-prevent,&quot; ani Dr. Alethea de Guzman ng DOH Epidemiology Bureau.</p><p>Sa patuloy na pagtaas ng bilang ng mga nagkakasakit, pinakahirap ngayon ang mga ospital dahil bukod sa puno na ang kanilang kapasidad, nagkukulang na rin sila ng mga health worker.</p><ul class="op-related-articles">	<li><a href="https://news.abs-cbn.com/news/03/23/21/private-hospitals-handang-magdagdag-ng-covid-19-beds-pero-kulang-sa-staff">Private hospitals handang magdagdag ng COVID-19 beds pero kulang sa staff</a></li></ul><p>Nitong Miyerkoles, umabot na sa 684,311 ang kabuuang bilang ng mga kumpirmadong kaso ng COVID-19 sa bansa matapos makapagtala ng 6,666 dagdag na kaso. Sa bilang na iyon, 91,754 ang active cases o may sakit pa rin.</p><div><strong>— Ulat ni Raphael Bosano, ABS-CBN News</strong><br/> </div>

<p>Para sa OCTA Research Group, baka kailangan ng 4 linggo bago mapababa ang reproduction number ng COVID-19.</p>

Para sa OCTA Research Group, baka kailangan ng 4 linggo bago mapababa ang reproduction number ng COVID-19.