Push Admin

Paslit pinagsulat ng promissory note; magulang nagreklamo

Article (news)

ABS-CBN News

<figure class="op-interactive"><div id="IVS_ABS_Body_Video_1_Container"> <ivs-player id="IVS_ABS_Body_Video_1" data-ivs-spid="3001339" data-ivs-key="e8c22c015ca9eafa76f1e3edfa03c603" data-ivs-vid="1387898" data-ivs-floating="1"></ivs-player> <script src="https://player.ivideosmart.com/ivsplayer/v4/dist/js/iframe-parent.js"></script> <script src="https://player.ivideosmart.com/ivsplayer/v4/dist/js/loader.js"></script> </div></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Nag-viral sa social media ang post ng isang netizen na inerereklamo ang pagpapasulat ng eskuwelahan ng promissory note sa 6 na taong gulang na anak ng kaniyang kaibigan. </p><p>Ang promissory note ay liham na nangangako ng pagbabayad ng obligasyon, gaya ng tuition, sa loob ng nakatakdang panahon. </p><p>Kuwento ni Jasper Mangondo, ina ng bata, pagpasok ng Marso ay siningil sila ng kaniyang asawa ng balanse sa tuition ng anak na P7,000.</p><p>&quot;Nakapunta &#x27;yung husband ko ng March 19. Nagbayad siya more than half which is P4,000. Siya na rin po ang nagsabi na we will settle the balance before magkatapusan,&quot; ani Mangondo. </p><p>Aminado si Mangondo na hindi sila nakapagbayad sa tamang panahon pero laking gulat niya raw nang malamang pinagsulat umano ng adviser ang kaniyang anak ng promissory note.</p><p>&quot;Bakit kailangan magsulat ng bata ng ganito, eh wala siyang alam sa nangyayari?&quot; daing ni Manongdo. </p><p>Nang mabayaran ng mag-asawa ang balanse ay sinabihan silang kasali na sa recognition ceremony ang bata. Pero ayaw na nilang pasalihin ang anak sa ceremony dahil napahiya na raw ang bata sa mga kaklase nito. </p><p>Ikinuwento ito ng kaibigan nina Mangondo sa social media kung saan nag-viral ang post. Umani rin ng batikos ang patakaran ng eskuwelahan na inoobliga ang mga batang magsulat ng promissory note. </p><p>Ayon sa Federation of Associations of Private Schools and Administrators (FAPSA), isang grupo ng mga private school administrators, hindi na dapat ipinapaalam sa mga bata ang tungkol sa pagbayad ng tuition dahil pag-aaral lang dapat ang obligasyon ng mga bata. </p><p>Pero paalala ng FAPSA na obligasyon ng mga magulang na magbayad ng matrikula sa tamang oras. </p><p>&quot;&#x27;Yon ang lifeblood ng aming operation. We cannot simply give it for free dahil may mga operational expenses kami,&quot; ani FAPSA President Eleazardo Kasilag. </p><p>Plano ngayon ng mag-asawa na magsampa ng legal na reklamo sa Department of Education laban sa eskuwelahan. Kapag natanggap ang reklamo, pag-aaralan ng DepEd kung may paglabag sa Child Protection Policy ang pamunuan ng eskuwelahan. </p><div><strong>-- Ulat ni Apples Jalandoni, ABS-CBN News</strong></div>

<p>Kumalat sa social media ang kuwento ng batang pinagsulat umano ng promissory note na magbabayad ng tuition.</p>

Kumalat sa social media ang kuwento ng batang pinagsulat umano ng promissory note na magbabayad ng tuition.