Push Admin

Janitor, nagbalik ng bag na may P1 milyon cash

Article (news)

ABS-CBN News

<figure class="op-interactive"><div id="IVS_ABS_Video_Widget_1_Container"><ivs-player id="IVS_ABS_Video_Widget_1" allow="autoplay" data-ivs-key="e8c22c015ca9eafa76f1e3edfa03c603" data-ivs-spid="3001339" data-ivs-wid="f5fb7bd1-3880"></ivs-player><script src="https://player.ivideosmart.com/ivsplayer/v4/dist/js/loader.js"></script></div></figure><div class="iwantbar">Watch more in <a href="~//www.iwantv.com.ph/">iWantv</a> or <a href="~//tfc.tv/">TFC.tv</a></div><p>Noong Lunes lang nakahawak ng perang nagkakahalagang halos P1 milyon ang janitor na si Reynaldo Padilla. </p><p>Nangyari ito sa ikalimang taon ni Padilla bilang janitor sa isang pribadong ospital. </p><p>Habang naglilinis siya ng isang kuwarto, nakita niya sa cabinet ang isang backpack na puno ng naka-bundle na mga pera.</p><p>Hindi naman siya nagdalawang isip na isauli ito sa kanilang opisina.</p><p>&quot;Hindi naman po sa akin &#x27;yan. Tapos hindi ko naman po pinaghirapan,&quot; ani Padilla.</p><p>Naibalik na ng pamunuan ng ospital ang bag sa may-ari nito, na isa palang negosyante. Ang P1 milyon laman ng bag ay ipasusuweldo niya sa kaniyang mga empleyado.</p><p>Kung tutuusin ay sapat na halaga ang P1 milyon para makaahon sa buhay sina Padilla at makalipat mula sa maliit nilang bahay na inaabot pa ng tubig tuwing high tide.</p><p>Pero para kay Padilla, mahalagang galing sa marangal na hanapbuhay ang ipinapakain niya sa kaniyang pamilya.</p><p>Inspirasyon din si Padilla para sa dalawa niyang anak.</p><p>Susuklian umano nila ang pagpupursigi ng kanilang ama sa pamamagitan ng pag-aaral nang mabuti.</p><p>&quot;Mabait siya kasi binabalik niya &#x27;yung hindi sa kanya na pera,&quot; anang anak na si Rachelle.</p><p>Binigyan ng may-ari si Padilla ng P10,000 gantimpala, na ibinahagi pa niya sa kaniyang mga kasamahang janitor.</p><p>Hindi naman kasi pera kundi mabuting kalooban at masayang pamilya ang itinuturing niyang tunay na yaman.</p><div><strong>-- Ulat ni Michelle Soriano, ABS-CBN News</strong></div>

<p>Isang janitor sa Dagupan City ang nagsauli ng bag na naglalaman ng P1 milyon cash na naiwan ng isang negosyante sa ospital.</p>

Isang janitor sa Dagupan City ang nagsauli ng bag na naglalaman ng P1 milyon cash na naiwan ng isang negosyante sa ospital.