Push Admin

PDEA pinaigting ang operasyon kontra mga tsuper na drug user

Article (news)

ABS-CBN News

<figure class="op-interactive"><div id="IVS_ABS_Body_Video_1_Container"> <ivs-player id="IVS_ABS_Body_Video_1" data-ivs-spid="3001339" data-ivs-key="e8c22c015ca9eafa76f1e3edfa03c603" data-ivs-vid="1387550" data-ivs-floating="1"></ivs-player> <script src="https://player.ivideosmart.com/ivsplayer/v4/dist/js/iframe-parent.js"></script> <script src="https://player.ivideosmart.com/ivsplayer/v4/dist/js/loader.js"></script> </div></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Nagsagawa ng surprise drug testing ang Philippine Drug Enforcement Agency (PDEA) sa mahigit 2,000 tsuper ng public utility vehicles (PUV) sa 26 na terminals sa buong bansa.</p><p>Pinangunahan ng PDEA, Land Transportation Office, Land Transportation Franchising and Regulatory Board, at Metropolitan Manila Development Authority ang operasyon na tinawag nilang &quot;Oplan Harabas.&quot;</p><p>Isinagawa raw ito para masigurong makaiwas sa disgrasya ang mga drayber at commuters.</p><p>Sa tala kasi ng PDEA, simula 2013 hanggang 2019 ay aabot sa mahigit 11,000 ang naarestong mga drayber dahil sa paggamit at pagtutulak ng droga.</p><p>Madalas na dahilan din umano ng paggamit ng droga ang kawalan ng tulog dahil sa haba ng oras ng pamamasada, ayon sa PDEA.</p><p>Kabilang sa nakilahok sa drug testing ang taxi driver na si Robert De Venecia.</p><p>&quot;Isang magandang pagkakataon po para malinis &#x27;yung transport sector,&quot; ani De Venecia.</p><p>Pero may ilan umanong umiiwas, ayon sa jeepney driver na si Edgardo Clarisa.</p><p>&quot;Dapat &#x27;di lang isang araw operation sa mga ganun, marami nakakaramdam nagtatago kaagad sila,&quot; ani Clarisa.</p><p>Aabot sa 26 ang nagpositibo sa droga sa nationwide na &quot;Oplan Harabas.&quot;</p><p>Pinakamarami ang naitalang tsuper na nagpositibo sa droga sa Zamboanga Peninsula kung saan 9 na drayber ang nahuli. Walo naman ang nahuli sa National Capital Region.</p><p>Halos 300 drayber naman sa Davao Region ang isinailalim sa drug test, kung saan tatlo ang nagpositibo, kabilang na ang isang taxi driver sa Bangoy International Airport sa Davao City.</p><p>Pero ayon kay PDEA Director General Aaron Aquino, isasailalim pa sila sa confirmatory test.</p><p>&quot;Para maging safe ang ating commuters, huwag sila matakot kasi confidential ito...tutulungan namin sila ma-rehabilitate para makabalik sila sa trabaho,&quot; aniya.</p><p>Giit ng LTO na legal ang pagsasagawa ng drug tests sa terminals dahil naaayon ito sa RA 10586 o Anti Drunk and Drugged Driving Act of 2013.</p><p>&quot;We will initiate revocation procedures pag nag-refuse. We will confiscate the drivers license, pag nag-positive we will file a case,&quot; ani Roberto Valera, hepe ng LTO&#x27;s Field Enforcement Division.</p><p>Maaaring masuspinde nang hanggang isang taon o mabawi nang tuluyan ang pagkakaroon ng lisensiya ng lumabag na drayber.</p><p>Patuloy umano itong gagawin ng mga awtoridad hanggang Semana Santa kung saan inaasahan ang pagdami ng bilang ng mga babiyahe pa-probinsiya.</p><div><strong>-- Ulat ni Angel Movido, ABS-CBN News</strong></div>

<p>Sa tala ng PDEA, simula 2013 hanggang 2019 ay aabot sa mahigit 11,000 ang naarestong mga drayber dahil sa paggamit at pagtutulak ng droga.</p>

Sa tala ng PDEA, simula 2013 hanggang 2019 ay aabot sa mahigit 11,000 ang naarestong mga drayber dahil sa paggamit at pagtutulak ng droga.