Push Admin

ALAMIN: Tips para di makakuha ng virus sa mga pamilihan, pinamili

Article (news)

ABS-CBN News

<figure class="op-interactive"><iframe height="315" src="https://www.youtube.com/embed/WzbmjOnYJPk?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Sa kabila ng pagpapatupad ng enhanced community quarantine laban sa coronavirus disease (COVID-19), pinapayagan pa rin ang publiko na mamalengke at mag-grocery para makabili ng pagkain at iba pang pangunahing pangangailangan.</p><p>Kaya naman nariyan pa rin ang panganib na dulot ng pagpunta sa mga pampublikong lugar, dahil posibleng makuha ang SARS-CoV-2, ang virus na nagdudulot ng COVID-19. </p><p>Bukod sa droplets, puwede ring makuha ang virus sa mga nahahawakang bagay, ayon sa public health expert na si Ayz Ligot.</p><p>Ipinayo ng mga eksperto ang pagsusuot ng face mask tuwing mamimili. Puwede rin umanong lagyan ng sapin ang credit card o pera kapag nagbabayad o kaya&#x27;y gumamit agad ng alcohol.</p><p>Puwede namang gumamit ng tissue o wet wipes kapag hahawak sa mga bagay gaya ng push cart, refrigerator o mga pinto, ayon sa epidemiologist na si Troy Gepte.</p><p>Ipinayo ng mga eksperto na hindi dapat basta-basta ipinapasok sa bahay ang mga pinamili.</p><p>Base sa <a href="https://news.abs-cbn.com/overseas/03/18/20/new-coronavirus-can-persist-in-air-for-hours-and-on-surfaces-for-days-us-study">pag-aaral</a>, tumatagal ang virus nang hanggang 24 oras sa cardboard at hanggang 3 araw sa plastik.</p><p>Maaari umanong iwanan muna ang mga pinamili sa labas ng bahay nang ilang araw kung hindi pa naman gagamitin.</p><p>Puwede ring linisin o punasan ng disinfectant ang mga bote at packaging ng mga pinamili, ayon kay Gepte.</p><p>Ipinayo rin ni Gepte ang maiging paghugas sa mga prutas at gulay.</p><p>Sa takeout food at food delivery, ipinayo naman ang pagdistansiya sa taong nag-deliver.</p><ul class="op-related-articles">	<li><a href="https://news.abs-cbn.com/news/03/25/20/contactless-delivery-pinatutupad-ng-ilang-food-delivery-companies">&#x27;Contactless delivery&#x27; pinatutupad ng ilang food delivery companies</a></li></ul><p>Ipinaalala rin ng mga eksperto na mabisa pa ring panlaban sa mga virus ang wastong paghuhugas ng kamay.</p><div><strong>-- Ulat ni Maan Macapagal, ABS-CBN News</strong></div>

<p>May payo ang mga eksperto para maiwasan ang mga virus na maaaring kumapit sa mga pinamili sa grocery o palengke.</p>

May payo ang mga eksperto para maiwasan ang mga virus na maaaring kumapit sa mga pinamili sa grocery o palengke.