Push Admin

Libreng tech-voc training, alok sa job seekers, OFWs

Article (news)

ABS-CBN News

Sinamantala ng halos 1,000 katao ang dalawang araw na enrolment para sa libreng training ng TESDA sa National Capital Region (NCR). Ang Technical-Vocational Education and Training (TVET) ng Technical Education and Skills Development Authority ay kabilang sa kabuuang 50,000 TVET scholarship na puwedeng aplayan ng mga taga-NCR.Nagbukas sila ng dalawang araw na enrolment para hikayatin ang mga naghahanap ng trabaho at overseas Filipino workers (OFW) na samantalahin ang libreng training.Sa Quezon City, isa sa mga nag-enrol sa mechatronics course si Julieto Palaca na 11 taong nagtrabaho sa Middle East.Bumalik sya sa bansa noong 2012 pero ngayon ay gustong umalis ulit.Ayon sa TESDA, maraming kurso ang puwedeng kuhanin ng matatagal nang OFW para madagdagan ang kanilang skills.Puwede ring kumuha ng Competency Assessment and Certification for Workers para tumaas ang tsansang makakuha ng magandang trabaho sa ibang bansa.Pero kahit dito sa bansa, TESDA training pa rin ang kailangan para matanggap agad.Sinabayan din ng job fair ang TVET enrollment kung saan may mga hired on the spot.Ayon naman sa TESDA, tuloy-tuloy lang ang enrolment sa mga TVET scholarship sa lahat ng TESDA branch.Kailangan anila ay 18 anyos pataas at walang kasalukuyang government scholarship.Kung OFW naman na gusto ng assessment para sa national certificate, magdala ng certificate of employment bilang patunay ng experience.<div>--Ulat ni Zen Hernandez, ABS-CBN News</div>

Sinamantala ng halos 1000 katao ang dalawang araw na Technical-Vocational Education and Training enrolment ng TESDA sa National Capital Region.

Sinamantala ng halos 1000 katao ang dalawang araw na Technical-Vocational Education and Training enrolment ng TESDA sa National Capital Region.