Push Admin

1,600 helmet na may pekeng ICC sticker nakumpiska sa Cavite warehouse

Article (news)

ABS-CBN News

<p>MANILA - Pinasok ng iba&#x27;t ibang ahensya ng pamahalaan nitong Miyerkoles ang isang warehouse sa Kawit, Cavite kung saan naiulat na naka-imbak ang ilang produktong may pekeng Import Commodity Clearance (ICC) sticker.</p><p>Sa inspeksyon, nakita ang aabot sa 1,600 helmet na may pekeng ICC sticker, na nang i-scan ang QR code ay lumalabas na kinopya lang ito mula sa isang electrical product.</p><p>Aabot sa 759 printed na ICC stickers din ang nadiskubre sa operasyon.</p><p>&quot;We have 1,600 helmets na nakuha today. So, 1,606 motorcycle drivers ang nagde-delikado kapag sila ang gumamit nito. Dahil uncertified nga siya, hindi natin alam kung safe &#x27;yung produkto na gamitin o hindi,&quot; ani Trade Undersecretary Ruth Castelo. </p><p>&quot;Meron pang loose na ICC stickers tayong nakita. So, &#x27;yung mga helmets na dumating na walang ICC sticker, ito &#x27;yung ikakabit nila, na fake na ICC,&quot; dagdag niya. </p><p>Kabilang din sa mga nadiskubreng produkto na hindi sertipikado o walang anumang markings ang daan-daang snap switch, exhaust fan, at iba pa.</p><p>Nakita ng Bureau of Philippine Standards na mababa ang kalidad ng mga produkto, may isang helmet din aniya na manipis batay sa kanilang pag-iinspeksiyon. </p><p>&quot;Ang initial assessment natin sa product, masyadong napakaninipis ng mga plastic niya. Maliliit &#x27;yung mga wires,&quot; ani Bureau of Philippine Standards Director Neil Catajay. </p><p>Nasa P30 milyon ang halaga ng mga nasabat sa warehouse.</p><p>Tiniyak ng DTI na kakasuhan ang mga kompanya na gumamit at kompanya ng pekeng ICC sticker.</p><p>Ang BOC naman ay may proseso pang sinusunod bago tuluyang kumpiskahin at sirain ang mga produkto.</p><p>Kakasuhan din ng BOC ang mga kompanya na pinanggalingan ng produkto sakaling mapatunayan ang pagkakamali.</p><p>&quot;&#x27;Yung safety issue (kailangan i-consider kaya dapat sirain) . Not only this warehouse, sa kanila puros mga branded shoes naman. So, meron ding issue doon sa propriety,&quot; ani Customs Deputy Commissoner Raniel Ramiro. </p><div><strong>PEKENG SAPATOS</strong></div><p>Sa parehong operasyon, nadiskubre din ang aabot sa P560 milyong halaga ng mga pekeng sapatos.</p><p>Ito na ang pinakamalaking halaga ng mga pekeng footwear na nadiskubre ng BOC ngayong taon.</p><p>Kukumpiskahin at sisirain ang mga produkto para hindi na bumaha sa merkado.</p><div><strong>-- Ulat ni Michael Delizo, ABS-CBN News</strong></div><div><strong>KAUGNAY NA VIDEO:</strong></div><figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=1982744" width="100%"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div>

Sa inspeksyon, nakita ang aabot sa 1,600 helmet na may pekeng ICC sticker, na nang i-scan ang QR code ay lumalabas na kinopya lang ito mula sa isang electrical product.