Push Admin

Enhanced community quarantine sa Luzon palalawigin hanggang Abril 30: IATF

Article (news)

ABS-CBN News

<figure class="op-interactive"><iframe src="https://www.youtube.com/embed/MpSvZpsLJRI?enablejsapi=1"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div>MAYNILA (UPDATE) - Palalawigin na nang hanggang Abril 30 ang enhanced community quarantine na ipinatupad ng gobyerno sa Luzon, ayon sa Inter-Agency Task Force on Emerging Infectious Diseases. Ito ay dahil <a href="https://news.abs-cbn.com/news/04/06/20/duterte-says-inclined-to-extend-luzon-lockdown-until-april-30">inaprubahan na ni Pangulong Rodrigo Duterte</a> ang rekomendasyon ng IATF na palawigin pa ang quarantine, ayon kay IATF spokesman Karlo Nograles sa briefing umaga ng Martes. “Iyong ECQ is up to April 30, 11:59 PM. Ito ang rekomendasyon ng IATF at tinanggap ni Pangulong Rodrigo Duterte at in-announce niya kagabi. Vinerify namin, ang enhanced community quarantine is hereby extended until 11:59 of April 30,” ayon kay Nograles. Magtatagal lang dapat nang hanggang Abril 12 ang enhanced community quarantine, kung saan sinuspinde ang public transportation lines, nagkaroon ng pagrarasyon ng pagkain at pinatindi ang pagtugon sa pangangailangang pangkalusugan, at mas malawakang pagronda ng mga unipormadong awtoridad para mapigil ang pagkalat ng coronavirus disease 2019 (COVID-19). <ul class="op-related-articles">	<li><a href="https://news.abs-cbn.com/news/03/17/20/luzon-quarantine-a-breakdown-of-the-implementing-guidelines">Luzon quarantine: A breakdown of the implementing guidelines</a></li></ul>Unang binanggit ng IATF noong Sabado na pinag-aaralan pa nila ang mga datos bago matiyak na kinakailangan pang palawigin ang quarantine, na nakaapekto sa ilang sektor ng manggagawa partikular na ang mga empleyadong &quot;no work no pay.&quot; Noon na ring umapela ang ilang opisyal na palawigin pa ang quarantine dahil maaaring makaapekto ang maagang pag-alis sa enhanced community quarantine sa mga hakbang ng pamahalaan na pigilan ang pagkalat ng COVID-19. Magmula alas-4 ng hapon ng Abril 6, nasa 3,660 na ang bilang ng naitalang kaso ng COVID-19 sa bansa. Nasa 73 ang gumaling sa sakit habang 163 na ang namatay rito. Isinailalim sa state of public emergency at state of calamity ang Pilipinas dahil sa pagkalat ng COVID-19. Mula sa epicenter sa Wuhan, China kumalat na ito sa aabot sa 200 bansa at teritoryo. <div> &#x27;ECQ di pa kailangang ipatupad sa Visayas, Mindanao&#x27; </div>Gayunman, wala pang balak ang gobyerno na isama ang Visayas at Mindanao sa ECQ, ayon kay Nograles. “There is no need for ECQ sa Visayas and Mindanao. Pero tuloy-tuloy tayo sa pagmonitor natin. Ang [Department of the Interior and Local Government] nakikipag-ugnayan sa LGUs at mino-monitor namin ang numbers,” ani Nograles. Paliwanag ni Nograles, kailangan pa ng gobyerno ng sapat na panahon para mapag-aralan nang husto ang COVID-19 at mai-assess kung epektibo ba ang pagpapatupad ng enhanced community quarantine. Ayon aniya kasi sa mga eksperto, kalagitnaan palang ng Abril makikita ang resula ng ECQ matapos ito simulang ipatupad noong March 15. Bukod pa dito, kailangan pa aniya ng sapat na panahon para madoble pa ng gobyerno ang mga hakbang nito para mapataas ang health care capacity lalo na sa Luzon. <div> MGA MAMBABATAS SANG-AYON SA EXTENSION</div>Sang-ayon naman ang ilang senador sa pagpapalawig sa quarantine period.Sa isang pahayag, inilarawan ni Senate President Vicente &quot;Tito&quot; Sotto III ang hakbang bilang &quot;reasonable&quot; o makatuwiran.&quot;April 30 extension seems to be reasonable considering the fact that the Department of Health has no clear projection yet of how things are evolving. Better safe than sorry,&quot; sabi ni Sotto.Puwede ring magamit ang pinalawig na panahon para makahabol ang Pilipinas sa pag-test ng mga tao para sa COVID-19, ayon kay Sen. Sonny Angara.&quot;Lockdown extension to April 30 is justified. Testing can catch up, we can gauge real public health situation,&quot; ani Angara.Para kay Sen. Joel Villanueva, ang pag-alis sa Luzon lockdown habang patuloy ang pagtaas ng bilang ng mga kaso ng COVID-19 ay magdudulot ng mas maraming pagkamatay.Pabor din ang extension kina minority senators Francis &quot;Kiko&quot; Pangilinan at Risa Hontiveros.<div>MGA AWTORIDAD HANDA SA EXTENSION</div>Handa rin ang mga awtoridad sa pinalawig na enhanced community quarantine, ayon kay Police Lt. Gen. Guillermo Eleazar, commander of Joint Task Force Coronavirus Shield.Ayon kay Eleazar, higit 100,000 pulis, sundalo, bombero, at coast guard ang nagmamando ng seguridad sa ipinatupad na quarantine.Maging ang Armed forces of the Philippines ay nagpahiwatig ng suporta at kahandaan sa pinalawig na quarantine.Nangako rin ang Joint Task Force Coronavirus Shield na patuloy silang magbibigay ng ayuda sa front line units.Noong Lunes, pumalo na sa higit 80,000 ang nasita ng mga awtoridad dahil sa paglabag sa pinatupad na enhanced community quarantine.Higit 20,000 ang inaresto at kinasuhan habang ang iba ay pinagmulta o binigyan ng warning.<div>-- May ulat nina Joyce Balancio, Katrina Domingo, at Raffy Santos, ABS-CBN News</div>

Palalawigin na nang hanggang Abril 30 ang enhanced community quarantine na ipinatupad ng gobyerno sa Luzon, ayon sa Inter-Agency Task Force on Emerging Infectious Diseases.

Palalawigin na nang hanggang Abril 30 ang enhanced community quarantine na ipinatupad ng gobyerno sa Luzon, ayon sa Inter-Agency Task Force on Emerging Infectious Diseases.