Push Admin

Mga manggagawang hindi taga-Boracay, nangangambang walang matatanggap na ayuda

Article (news)

Nony Basco, ABS-CBN News

BORACAY -- Nangangamba ang ilang informal workers na hindi taga-Boracay na hindi sila mabibigyan ng calamity fund.Ayon sa ilang mga informal workers sa isla, wala pang lumalapit sa kanila para kumuha ng impormasyon mula sa kanila.Isa sa kanila si Marilou Drio na 12 taon nang nagtitinda ng prutas sa isla.Sa kitang P500 kada araw, nabubuhay ang kanyang pamilya. Pero ngayong isasara ang isla, namomroblema siya dahil hindi siya residente ng Boracay.Nangangamba rin siyang hindi siya makakatanggap ng calamity fund.&quot;Malungkot ka rin pero kung ganyan wala kaming magagawa kung &#x27;yan ang sabi ng Presidente. Kaya lang minsan sa gabi hindi ka makatulog kasi &#x27;yan lang talaga ang hanapbuhay,&quot; aniya.Masama rin ang loob ng sailboat operator na si Daniel Provido. Isa siya sa pinakaunang bangkero sa isla, ngunit malabong makatanggap siya ng tulong dahil hindi siya taga-Boracay.Ayon sa kanya, hindi patas na hindi siya mabigyan ng tulong pinansiyal dahil matagal na siyang nagtatrabaho sa Boracay.Hindi pa rin umano pumipirma ng kahit anong dokumento ang mga tinderong sina Casan Mangontawar at Mambuay Mala para makakuha ng calamity fund.&quot;Yung ang sinasabi nila na lahat ng taga-rito kasama sa listahan. Pero wala pa namang pumunta rito na maglista at nagsabi na kasama kami,&quot; ani Mangontawar.Maging ang mga miyembro ng lehitimong asosasyon ng mga masahista, vendors at tour guide sa Boracay ay nagtatanong kung kasama sila sa mabibigyan ng ayuda.&quot;Dapat kung mayroon talagang intended sa amin, dapat madaliin din para makatulong sa amin maski papaano,&quot; ani Daliah Dimzon, ang presidente ng asosasyon.Paliwanag ng lokal na pamahalaan ng Malay, Aklan, hindi pa tapos ang ginagawang validation sa mga benepisyaryo ng calamity fund.&quot;Initially po &#x27;yung priority natin dito ay &#x27;yung taga-Boracay at taga-Malay. &#x27;Yun &#x27;yung unang mabibigyan ng calamity fund at makakatanggap ng iba pang tulong mula sa gobyerno,&quot; ani Rowen Aguirre, tagapagsalita ng lokal na pamahalaan ng Malay.Namigay na ng mga form para sa calamity fund ang Department of Social Welfare and Development sa mga hotel at resort sa Boracay.Kailangang maisumite ito bago mag-Abril 12 sa sangay ng Department of Labor and Employment sa isla.&quot;As much as possible, bibigyan natin ng tulong ang lahat, lalo na &#x27;yung matagal na sa isla,&quot; ani Aguirre.Samantala, umaaray naman ang mga may-ari ng hotel at resort sa isla dahil sa pagkansela sa mga bookings sa susunod na anim na buwan.Ayon sa isang may-ari ng hotel, aabot sa halos P10 milyon kada araw ang kanilang lugi dahil sa refund sa mga nagkanselang turista.Malaki ang nabawas sa bilang na mga lokal na turista, habang tumaas naman ang bilang ng mga dayuhang pumasok sa Boracay.Mula Abril 1 hanggang 7 nitong taon, nasa 20,861 na dayuhan ang pumasok sa isla, habang 14,483 naman ang mga lokal na turista, at 899 ang mga overseas Filipino workers na pumasok sa isla.Mas mababa ito ng 8%, o 3,021 kumpara sa bilang ng pumasok na mga turista sa parehong panahon noong 2017.Noong nakaraang taon, nasa 17,947 ang pumasok na dayuhan, 20,261 ang mga lokal na turista at 1,056 naman ang mga OFW na bumisita sa isla.

Nangangamba ang ilang informal workers na hindi taga-Boracay na hindi sila mabibigyan ng calamity fund.

Nangangamba ang ilang informal workers na hindi taga-Boracay na hindi sila mabibigyan ng calamity fund.

Mga manggagawang hindi taga-Boracay, nangangambang walang matatanggap na ayuda

News

Entertainment

Lifestyle

Sports

Metro.Style

More

Sudoku

Word of the Day

Lotto

Horoscope

News

Mga manggagawang hindi taga-Boracay, nangangambang walang matatanggap na ayuda

Nony Basco,

ABS-CBN News

Published April 08, 2018 07:41 PM PHT

Read More:

Boracay Island

turismo

Tagalog news

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.