Tinupok ng apoy ang isang hardware shop sa Villa Mendoza Subdivision sa Barangay San Isidro, Para؜ñaque City Sabado ng gabi.

Sunog. sumiklab sa Villa Mendoza Subdivision sa San Isidro, Parañaque | ulat ni @jeffreyhernaez pic.twitter.com/OreYrZEHJG

— DZMM TeleRadyo (@DZMMTeleRadyo) April 13, 2019

Ayon sa Bureau of Fire Protection, sumiklab ang sunog pasado alas-6 ng gabi na mabilis tumaas sa ikalawang alarma. Nahirapan ang mga bumbero na apulahin ang apoy na bigla uling nagliliyab ilang saglit.

Mabilis rumesponde ang mga bumbero lalo pa’t peligrong madamay ang mga katabing commercial establishment ng hardware shop, tulad ng restaurant at bangko.

Wala umanong tao sa loob at sarado ang shop nang masunog kaya walang nakakaalam kung ano ang pinagmulan ng apoy.

Nagdulot ng masikip na daloy ng trapiko ang sunog sa Dr. A. Santos Avenue na nakaharangan ng mga rumespondeng firetruck.

Walang naiulat na nasaktan sa insidente.