Push Admin

'Kapayapaan, kaayusan' ng halalan hiling ng ilan ngayong Semana Santa

Article (news)

ABS-CBN News

<figure class="op-interactive"><div id="IVS_ABS_Body_Video_1_Container"> <ivs-player id="IVS_ABS_Body_Video_1" data-ivs-spid="3001339" data-ivs-key="e8c22c015ca9eafa76f1e3edfa03c603" data-ivs-vid="1386226" data-ivs-floating="1"></ivs-player> <script src="https://player.ivideosmart.com/ivsplayer/v4/dist/js/iframe-parent.js"></script> <script src="https://player.ivideosmart.com/ivsplayer/v4/dist/js/loader.js"></script> </div></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Kapayapaan sa bansa at kaayusan sa halalan ang ilan sa ipinagdarasal ng mga Pinoy ngayong pagsisimula ng Semana Santa sa Linggo ng mga palaspas.</p><p>Sa maraming simbahan, iwinagayway ng libo-libong katoliko ang kanilang mga palaspas para mabasbasan.</p><p>Ang Palm Sunday ang hudyat ng pagsisimula ng Holy Week.</p><p>Pero paalala ni Manila Archbishop Luis Antonio Cardinal Tagle, huwag sanang gayahin ng mga Kristiyano ang mga taong nagtakwil din kay Hesus makalipas ang ilang araw.</p><p>&quot;Ang tanong sa atin ngayon, sinalubong natin siya, mananatili ba tayong kasama niya? Susunod ba tayo o pagkatapos natin i-welcome, wala na iwanan na? Kilalanin natin si Hesus para natin siya sundan,&quot; aniya.</p><p>Panawagan ng kardinal, gawing ehemplo ang kababaang-loob ni Hesus at huwag tularan ang mga ibang lider.</p><p>&quot;Parang mas attractive sundan iyung nagpapakamataas, humahanap ng pagsikat kasi kapag kumapit ka doon, sikat ka rin. Pero pag siya ay nagpapakababa, susunod ba tayo? Kasi pati tayo, ibaba ka rin,&quot; sabi ni Tagle.</p><p>Kaya kasama sa panalangin ng mga nagninilay ngayong Holy Week ang kaayusan ng bansa at ang nalalapit na halalan sa Mayo.</p><p>&quot;Pagbabago ng aming buhay, maging ligtas kami sa araw-araw,&quot; sabi ni Rosemarie Dupaya.</p><p>&quot;Sa botohan maging maayos hindi magulo,&quot; sabi naman ni Tessie Fortuno.</p><p>&quot;Katahimikan sa bansa, sa nangyayari sa ating lipunan, sa mga patayan, dapat sa kuwaresma looking to God,&quot; ayon naman kay Mark Tinong Samiliano.</p><p>Sa huli, ipinaalala ng simbahan na alalahanin at isabuhay ang sakripisyo ni Hesukristo.</p><div><strong>—Ulat ni Anjo Bagaoisan, ABS-CBN News</strong></div><div> </div>

<p>Ipinaalala ng simbahan na alalahanin at isabuhay ang sakripisyo ni Hesukristo.</p>