Push Admin

Pag-isyu ng papel na lisensiya ikinadismaya ng mga motorista

Article (news)

ABS-CBN News

<figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=2590446" width="100%"></iframe></figure><div class="iwantbar">Watch more News on <a href="https://www.iwanttfc.com/#!/browse/Genres/News/tag_id_genres/id_news" target="_blank">iWantTFC</a></div><p>Hindi ikinatuwa ng mga motorista na papel ang pansamantalang i-issue na driver&#x27;s license habang nagkakaproblema pa ang Land Transportation Office sa suplay ng plastic cards. </p><p>Para sa ilang motorista gaya ni Allan Martin, pangamba nilang mapeke ang mga papel na lisensiya. </p><p>Nadismaya din dito ang Alliance of Road Users and Motorcycle Advocate Society. </p><p>&quot;Iresponsableng pamamahala ng LTO, waste of money, waste of time…. Sana pagbutihin nila ang kanilang trabaho. Hindi pa nga tapos ang isyu sa plaka, heto na naman tayo,&quot; ani Zaldy Lenon, national director ng grupo para sa media affairs. </p><p>Nauna nang sinabi ng Land Transportation Office na pansamantala lang ang maiisyu na papel na lisensiya habang naghihintay ng pondo na pambili ng plastic cards. </p><p>Sa tantiya ng LTO, hanggang Abril na lang tatagal ang natitirang plastic cards sa buong bansa. </p><p>Dahil dito, palalawigin ng LTO hanggang Oktubre 31 ang bisa ng drivers licenses na mapapaso simula Abril 24. </p><p>Wala ring sisingiling multa sa late renewal. </p><p>&quot;Nagdesisyon ang LTO na gawin ito dahil ayaw namin ng dagdag na abala sa ating mga motorista…. Patuloy po kaming nakikipag-ugnayan sa DOTr tungkol po sa procurement process na kanilang ginagawa… Kami po ay umaasa sa kanilang agarang aksiyon tungkol po dito,&quot; ani LTO Assistant Secretary Jay Art Tugade. </p><p>Ayon naman sa DOTr, nahuli ang LTO sa paghahanda sa proseso ng pagbili o procurement process na kailangang dumaan sa maraming hakbang para masiguro na tama ang gagawing pagbili. </p><p>&quot;Ang dapat nating gawin ay proper planning. If we can do an early procurement we should do that, hindi &#x27;yung gagawin nating last minute &#x27;yung pag-procure ng ganitong items,&quot; ani Transportation Secretary Jaime Bautista. </p><p>Tantiya ng ahensiya na posibleng sa Hulyo unti-unti nang makapag-deliver ng driver&#x27;s license card. </p><div><strong>-- Ulat ni Jacque Manabat, ABS-CBN News</strong></div>