Push Admin

'Wala nang senyales ng buhay sa guho sa Porac': pulisya

Article (news)

ABS-CBN News

<figure class="op-interactive"><iframe src="https://www.youtube.com/embed/fBBGlhEf-OI?enablejsapi=1"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Wala na umanong nakikitang senyales ng buhay ang mga awtoridad sa loob ng gumuhong Chuzon supermarket sa Porac, Pampanga. </p><p>Iyan ang pahayag ni Pampanga police director Col. Jean Fajardo ngayong Miyerkoles, dalawang araw matapos gumuho ang gusali dala ng magnitude 6.1 na lindol na tumama sa Luzon. </p><p>Ayon kay Fajardo naghanap ang mga rescuer ng &quot;proof of life&quot; sa pamamagitan ng mga K-9 unit at makina pero walang na-detect na ano mang senyales ng buhay sa gumuhong gusali. </p><p>&quot;Based on our rescuers (Base sa aming mga rescuer,) wala na tayong tao sa loob either patay o buhay po,&quot; aniya. </p><p>Ang tanging naamoy lang ng K9 unit ng pulisya ang bahagi ng putol na binti ng babaeng unang sinagip ng mga awtoridad noong Martes. </p><ul class="op-related-articles">	<li><a href="https://news.abs-cbn.com/news/04/23/19/babae-nagpaputol-ng-paa-para-mailabas-sa-gumuhong-gusali">Babae, nagpaputol ng paa para mailabas sa gumuhong gusali</a></li></ul><p>Wala na ring naghahanap ng nawawalang kamag-anak, ayon kay Fajardo.</p><p>Gayunman, hindi pa rin ihihinto ng mga awtoridad ang search and rescue operations sakaling nagkamali ang mga aso at machine. </p><p>Nabatid din ng mga awtoridad na buhay at nagpunta lamang sa Arayat, Pampanga ang nalalabing hinahanap sa Chuzon Supermarket kaya wala na silang listahan ng mga nawawala. </p><p>&quot;Dahil brownout po, hindi nakapagsabi (ang lalaking customer) na umuwi siya,&quot; ayon kay Fajardo. </p><p>Dahil wala na anilang proof of life ay tinibag na ang rin ilang bahagi ng gusali. </p><p>Ayon sa mga awtoridad, maaaring simulan nila ang retrieval operations sa Biyernes. </p><div><strong>PANANAGUTAN </strong></div><p>Samantala, inihahanda na ang kasong negligence resulting in multiple homicide and physical injuries laban sa may-ari ng Chuzon Supermarket na si Samuel Chu. </p><ul class="op-related-articles">	<li><a href="https://news.abs-cbn.com/news/04/24/19/alamin-may-ari-ng-gumuhong-pamilihan-sa-porac-ano-ang-pananagutan">ALAMIN: May-ari ng gumuhong pamilihan sa Porac ano ang pananagutan</a></li></ul><p>Lumantad din sa pulis noong Martes ang contractor ng Chuzon na si Engr. Mario Meneses. </p><p>Ayon sa pulisya, halos iisa ang kontraktor ng gusali ng Chuzon Supermarket sa siyam na branch nito sa Pampanga, Tarlac, at Bataan. </p><p>Nais ni Sanita Dela Cruz, na namatayan ng manugang at dalawang apo sa supermarket, na managot si Chu sa nangyari sa kaniyang mga kaanak. </p><p>&quot;Sana makulong sila, makulong ang may-ari at magbayad sila sa pamilya,&quot; ani Dela Cruz. </p><figure class="op-interactive"><iframe src="https://www.youtube.com/embed/Ax9cYBHe4UQ?enablejsapi=1"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><div><strong>80 PORSIYENTO NG MGA BAHAY SA BARANGAY SA PAMPANGA WASAK </strong></div><p>Samantala, tulong naman ang hiling ng ilang residente sa Barangay San Ramon sa Floridablanca, Pampanga, na isang upland barangay, kung saan 80 porsiyento umano ng mga bahay ang nasira. </p><p>Karamihan sa mga bahay ay hindi na raw matitirhan. </p><p>Kabilang dito ang residenteng si Melita Torres, na nasiraan ng bahay bunsod ng lindol. </p><p>Dahil walang ibang matuluyan, sumisilong sila sa kural ng mga alaga nilang baboy. </p><p>&quot;Kasama namin &#x27;yung mga baboy, doon po kami natutulog. Mayroong papag na nilagay namin tapos ‘yung iba ko pong apo nasa ilalim ng (punong) camachile dala-dala &#x27;yung mga upuan na hindi nasira dun po kami nahihiga,&quot; ani Torres. </p><p>Samantala, pinagkakasya ng pamilya ni Ising Coronel ang kanilang gamit at tulugan matapos ang lindol. Bitak-bitak na kasi ang sahig at umuuga umano ang pader ng kanilang nasirang bahay. </p><p>Ani Coronel, ayaw na niyang pumasok sa kanilang bahay sa pangambang matabunan sila. </p><p>Hindi naman maialis ng mga residente ang takot lalo&#x27;t hanggang kaninang umaga ay nakaramdam pa rin sila ng pag-uga ng lupa.</p><p>Nanawagan ng agarang tulong ang mga residente sa pagsasaayos ng kanilang mga bahay para maibalik sa normal ang kanilang pamumuhay. </p><div><strong>-- Ulat nina Dennis Datu, Michael Delizo, at Gracie Rutao, ABS-CBN News </strong></div>

<p>Naghanap ng "proof of life" ang mga K-9 unit at makina pero wala umanong na-detect na senyales ng buhay.</p>

Naghanap ng "proof of life" ang mga K-9 unit at makina pero wala umanong na-detect na senyales ng buhay.