Push Admin

Kodigo, ID at iba pa: Mga tanong tungkol sa Halalan 2022 sinagot ng Comelec

Article (news)

ABS-CBN News

<figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=2017376" width="100%"></iframe></figure><div class="iwantbar">Watch more News on <a href="https://www.iwanttfc.com/#!/browse/Genres/News/tag_id_genres/id_news" target="_blank">iWantTFC</a></div><p><br/>MANILA — Sinagot ng isang opisyal ng Commission on Elections (Comelec) ngayong Biyernes ang ilang tanong ng publiko tungkol sa pagboto sa darating na Mayo 9, 2022.</p><div><strong> OK lang ba ang kodigo?</strong></div><p>Hinihikayat ang pagdadala ng kodigo o listahan ng mga iboboto, sabi ni Elaiza David, Director III ng Election and Barangay Affairs Department ng Comelec.</p><p>&quot;&#x27;Yun pong importanteng dokumento na dapat nilang dalhin ay ang kanilang kodigo,&quot; sabi ni David sa panayam sa TeleRadyo. </p><p>Aniya, magandang magdala ng kodigo para maiwasang magkamali sa pag-shade ng ibobotong kandidato, at para na rin hindi magtagal ang botante sa pag-iisip kung sino ang iboboto sa mismong araw ng eleksiyon.</p><ul class="op-related-articles">	<li><a href="https://news.abs-cbn.com/video/news/04/29/22/alamin-mga-dapat-tandaan-sa-pagboto-sa-gitna-ng-pandemya">ALAMIN: Mga dapat tandaan sa pagboto sa gitna ng pandemya</a></li></ul><div><strong> Kailangan ba ng ID?</strong></div><p>Bagama&#x27;t hindi rekisito ang ID sa pagboto, maganda ring may dala nito ang botante, sabi ni David, para kung sakaling magkaroon ng problema sa pagkakakilanlan ng botante ay mabilis itong mareresolba.</p><p>&quot;It&#x27;s not really a requirement pero maganda pong may dalang ID just in case na medyo magkakaroon ng problema ma-challenge sa identity,&quot; ani David.</p><div><strong> Paano kung wala ang pangalan sa precinct finder?</strong></div><p>Inamin ni David na maaaring may problema pa rin sa pag-a-upload ng mga pangalan sa <a href="https://voterverifier.comelec.gov.ph/voter_precinct">precinct finder</a> ng Comelec. </p><p>Kaya kung hindi makita ng botante ang pangalan niya doon, maaari siyang magtungo sa opisina ng election officer para iberipika kung saan ang kaniyang presinto.</p><p>&quot;It&#x27;s better to check po sa office ng election officer kung wala sa finder,&quot; sabi ni David.</p><ul class="op-related-articles">	<li><a href="https://news.abs-cbn.com/news/04/26/22/alamin-maaaring-gawin-kung-wala-sa-online-precinct-finder-ng-comelec">ALAMIN: Anong gagawin kung wala sa Comelec precinct finder ang pangalan?</a></li></ul><p>Paalala ni David, kung hindi nakaboto sa dalawang magkasunod na general elections ay deactivated na ang botante. </p><p>Kailangan nitong ipa-reactivate ang registration para makaboto sa susunod na halalan. Para sa Halalan 2022, lumipas na ang deadline ng reactivation ng registration. </p><div><strong>Paano kung wala ang pangalan sa listahan sa presinto?</strong></div><p>Ayon kay David, kung wala ang pangalan ng botante sa listahang nakapaskil sa labas ng presinto pero makikita ang pangalan sa EDCVL o Election Day Computerized Voters&#x27; List, maaari pa rin itong bumoto dahil &quot;mas matimbang&quot; ang listahang ito.</p><p>Kung wala naman ang pangalan sa EDCVL pero nasa Posted Computerized Voters&#x27; List (PCVL) o iyong listahang nakapaskil sa labas ng presinto, maaaring pumunta ang botante sa opisina ng election officer para iberipika.</p><div><strong>--TeleRadyo, April 29, 2022</strong></div>

OK ba ang kodigo? Kailangan ba ng ID? Sinagot ng isang opisyal ng Comelec ang ilang tanong ng publiko tungkol sa pagboto.