Push Admin

Pagpanaw ng sanggol matapos umanong tanggihan ng ospital sa Maynila iniimbestigahan

Article (news)

Isay Reyes, ABS-CBN News

Hawak na ng National Bureau of Investigation ang kaso ng 1-taong gulang na sanggol na namatay matapos umano tanggihan ng isang ospital sa Maynila. Base sa affidavit ng ina ng sanggol, Abril 14 ng umaga nang mahirapan huminga ang bata. Dinala muna nila ito sa Ospital ng Tondo pero agad inilipat sa isa pang ospital sa Maynila. &quot;April 14 ng umaga, 6 o&#x27;clock dinala nila ito sa Ospital ng Tondo pero dahil kulang ang gamit, nilipat nila agad. 8:30 sila dumating sa JRRMMC (Jose R. Reyes Memorial Medical Center) at 9 a.m. namatay na ang bata,&quot; sabi ni Yuri Beltran, imbestigador ng NBI-National Capital Region na may hawak ng kaso. May heart condition ang bata kaya&#x27;t kailangan sana ng madaliang medical attention. Base sa salaysay ng ina, oxygen lang ang ibinigay sa kanila at hindi pinayagan makapasok sa ospital dahil puno na ito. Ayon kay Beltran, pinagpapaliwanag na nila ngayon ang nasabing ospital. &quot;Nagpadala na kami ng sulat for them to explain.&quot; Sinusubukan ng news team na kunan ng panig ang ospital pero wala pa itong pahayag.Ayon pa kay Beltran, may ilan na rin silang iniimbestigahan na mga kaso tungkol sa mga pasyenteng namatay matapos umanong tanggihan ng mga ospital. &quot;Sa ibang kaso, may mga private hospitals din na dineny o ni-refuse ang mga pasyente,&quot; sabi ni Beltran. Dagdag pa niya, marami pa marahil ang mga nakaranas ng ganito pero di alam ang gagawin o kung paano hihingi ng hustisya. Abiso niya, puwedeng magreklamo sa NBI-NCR na siyang nag-iimbestiga ng mga kasong ganito, o tumawag sa trunkline ng NBI na (02) 8523 8231.Sa kanilang nakukuhang impormasyon, nakakapagtaka na lagi aniyang sinasabi ng mga ospital na puno na sila, gayong malinaw na sinabi ng DOH na kailangan pa rin gamutin at tanggapin ang mga pasyente na hindi naman COVID-19 ang sakit. &quot;Laging sinasabi ng mga ospital na iniimbestigahan namin ay &#x27;yung condition sa COVID-19, na pag in-admit &#x27;yung mga pasyente na hindi naman COVID case, mawo-worsen lang at may possibility na mahawa sila. Pero kung &#x27;yun ang gagamitin natin na basehan, ano pa ang magiging basehan ng mga tao, san pa sila pupunta?,” sabi ni Beltran.Sa ngayon, may 4 na katulad na kaso na ang tinututukan ng NBI-NCR sa Metro Manila at may 3 sa mga probinsya.

Base sa affidavit ng ina ng sanggol na si Shaldrei Tampucao, April 14 umaga nang mahirapan huminga si Shaldrei. Dinala muna nila ito sa Ospital ng Tondo pero agad inilipat sa isa pang ospital sa Maynila.

Base sa affidavit ng ina ng sanggol na si Shaldrei Tampucao, April 14 umaga nang mahirapan huminga si Shaldrei. Dinala muna nila ito sa Ospital ng Tondo pero agad inilipat sa isa pang ospital sa Maynila.

Pagpanaw ng sanggol matapos umanong tanggihan ng ospital sa Maynila iniimbestigahan

News

Entertainment

Lifestyle

Sports

Metro.Style

More

Traffic

Manila

Horoscope

News

Pagpanaw ng sanggol matapos umanong tanggihan ng ospital sa Maynila iniimbestigahan

Isay Reyes,

ABS-CBN News

Published May 01, 2020 08:22 PM PHT

Read More:

PatrolPH

Tagalog News

ospital

Maynila

Manila

sanggol

baby

NBI

National Bureau of Investigation

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2025 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2025 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2025 ABS-CBN Corporation. All Rights Reserved.