Push Admin

Kagawad sa Bulacan na nag-viral sa umano'y pangungulimbat ng cash aid, kinasuhan

Article (news)

ABS-CBN News

MAYNILA - Kinasuhan na ng Bulacan police ang barangay kagawad sa bayan ng Hagonoy na umano’y na-videohan na nangongolekta at hinahati ang cash aid na natatanggap ng ilan niyang kabarangay. Kinilala ang kagawad na si Danilo Flores, ng Barangay San Agustin - na nahaharap sa reklamong paglabag sa Anti-Graft at Corrupt Practices Act dahil sa insidente. Nag-viral kamakailan ang kaniyang video kung saan makikita umano siya at ang ilang kabarangay na pinag-uusapan na hatiin ang P6,500 social amelioration fund na para dapat sa mga kinasasakupan. &quot;About 80-90 na nakapagbigay ng P3500 dahil na-coerce ni kagawad Flores na hatiin daw actually hindi nga hati ang ibinalik ay P3500,” ayon kay Bulacan police director Lawrence Cajipe. Sa social amelioration, tinatayang nasa P6,500 hanggang P8,000 ang matatanggap ng mga kwalipikadong pamilya. Sa Hagonoy, P6,500 ang inaasahang makukuhang cash aid ng pamilya. Iniimbestigahan ngayon ni Cajipe kung may mga kasabwat din si Flores sa insidente. &quot;Hindi kami naniniwala na mag-isa lang siya. saan niya dinala yung pera na nakuha niya… Mapapatunayan natin sino pa kasabwat sa kalokohan nato sasampahan natin ng complaint kahit sino pa siya,” ani Cajipe. Si Flores ang tinutukoy umano ni Pangulong Rodrigo Duterte sa kaniyang talumpati, gabi ng Lunes na umano’y nangungulimbat ng cash aid ng kanilang kinasasakupan. Noon na ring sinabi ng Pangulo na magbibigay sila ng P30,000 sa sino mang makakapagbigay ng impormasyon tungkol sa mga local official na mangungurakot ng cash aid na para sa mahihirap na pamilya. Sinubukan naman ng news team na makuha ang panig ni Flores pero tumanggi na ito dahil kinasuhan na siya. Paiimbestigahan na rin ng lokal na pamahalaan ng Bulacan sa Sangguniang Panlalawigan ang insidente, ayon sa gobernador na si Daniel Fernando. &quot;Susulat ako na imbestigahan &#x27;yung kagawad at sangguniang barangay kasi hindi maganda ang nangyari,&quot; ani Fernando. Ayon kay Fernando, nasa 15,190 pamilya ang inaasahang makakatanggap ng cash aid sa bayan ng Hagonoy. <div>-- Ulat ni Doland Castro, ABS-CBN News</div>

MAYNILA - Kinasuhan na ng Bulacan police ang barangay kagawad sa bayan ng Hagonoy na umano’y na-videohan na nangongolekta at hinahati ang cash aid na natatanggap ng ilan niyang kabarangay.

MAYNILA - Kinasuhan na ng Bulacan police ang barangay kagawad sa bayan ng Hagonoy na umano’y na-videohan na nangongolekta at hinahati ang cash aid na natatanggap ng ilan niyang kabarangay.