Push Admin

Mga sangay ng pamahalaan nagtuturuan kung bakit nawala sa ere ang ABS-CBN

Article (news)

ABS-CBN News

MAYNILA — Nagtuturuan ang ilang sangay ng gobyerno kung kanino dapat isisi ang nangyaring pagpapatigil sa broadcast operation ng ABS-CBN noong Martes. Martes nang maghain ang National Telecommunications Commission (NTC) ng cease and desist order laban sa network matapos mapaso ang prangkisa nito noong Lunes. Pero katuwiran ng NTC, sinunod lamang nila ang batas na nagsasabing hindi puwedeng magpatuloy sa pag-ere ang mga walang kaukulang prangkisa mula sa Kongreso. Taliwas ito sa nauna nilang pahayag na bibigyan nila ng provisional authority ang ABS-CBN habang wala pang naipapasang prangkisa sa Kongreso. Giit ni NTC deputy commissioner Edgardo Cabarios, bagamat kinunsidera nila ang kapakanan ng libo-libong empleyado at milyon-milyong nakikinabang sa mga programa ng network, wala raw silang magawa dahil sinunod lang nila ang batas.Ang tanging opsyon na lang daw ng ABS-CBN ay ang makakuha ng temporary restraining order sa Supreme Court o makakuha ng franchise sa Kongreso.Bago mapaso ang prangkisa ng ABS-CBN, hindi bababa sa 11 bills na layong ma-extend ang franchise nito ang inihain pero hindi ito inaksiyunan sa Kamara. Sabi ni Buhay Party-list Rep. Lito Atienza, kasalanan ng Kongreso, partikular ni House Speaker Alan Peter Cayetano, ang pagkakawala sa ere ng ABS-CBN. &quot;I would like to apologize for the failure of Congress to do its job. Kasalanan namin ito eh. Kasalanan ng Kongreso ito. But more important, I’d like to say, squarely, kasalanan ni Speaker Cayetano ito. Pagkukulang niya ito sa bayan,&quot; ani Atienza.Babala ni Atienza, darating ang araw na sisingilin ng paliwanag ng taong bayan si Cayetano dahil sa hindi nito paggawa ng kaniyang tungkulin. &quot;He will have a lot to explain one day. It may not be today, but later on, this issue will hound him because he was the one who did not do his job.&quot; Samantala, dinepensahan naman ng Office of the Solicitor General ang NTC at sinabing sinunod lamang nito ang batas. &quot;Without a valid and subsisting franchise from Congress, the NTC cannot allow any broadcasting entity from operating in the country... The bill renewing ABS-CBN’s franchise has been pending in Congress since 2016. The question we should be asking is, why hasn’t Congress acted on it? Who is at fault here?&quot; ani Solicitor General Jose Calida.Matatandaang nagbanta si Calida sa NTC noong Linggo sakaling bigyan nito ng provisional authority ang ABS-CBN. Ipinagtanggol naman ng Palasyo si Calida sa pagbibigay babala nito sa NTC. &quot;Hindi po nag-influence si Calida. Sumulat po siya in due course of his job. He is within his perfect right to write,&quot; ani Presidential Spokesperson Harry Roque.Hindi rin daw naimpluwensiyahan ni Calida ang desisyon ng NTC. &quot;Walang pupuwedeng magsabi na nadidiktahan itong si Chaiman Cordoba,&quot; giit ni Roque.

Sabi ni Buhay Party-list Rep. Lito Atienza, kasalanan ng Kongreso, partikular ni House Speaker Alan Peter Cayetano, ang pagkakawala sa ere ng ABS-CBN.

Sabi ni Buhay Party-list Rep. Lito Atienza, kasalanan ng Kongreso, partikular ni House Speaker Alan Peter Cayetano, ang pagkakawala sa ere ng ABS-CBN.