Push Admin

Harang sa checkpoint, bawal interview: Mga dinanas ng ABS-CBN reporters matapos ang shutdown order

Article (news)

ABS-CBN News

<figure class="op-interactive"><iframe height="315" src="https://www.youtube.com/embed/rSfVhOy5fr0?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>MAYNILA — Sari-saring harassment ang naranasan ng mga reporters at iba pang empleyado ng ABS-CBN sa mga rehiyon, dalawang araw matapos mawala sa ere ang network sa bisa ng cease and desist order ng National Telecommunications Commission (NTC) laban sa kompanya. </p><p>Sa Naga City, hindi pinalusot sa checkpoint ang news crew ng ABS-CBN sa katwirang may cease and desist order na daw laban dito. </p><p>Ito ay sa kabila ng paliwanag ng team na may iba pang news platform ang ABS-CBN bukod sa TV. </p><p>Nang tawagan ng ABS-CBN News si Police Col. Marlon Tejada ng Camarines Sur police, pinayagan nitong lumusot ang team sa checkpoint pero hindi daw siya magpapaunlak ng interview dahil pa rin sa kautusan umano ng NTC. </p><p>Paglilinaw niya, personal niyang desisyon ito at wala raw direktiba mula sa head office. </p><p>Kalaunan ay humingi ng tawad si Tejada.</p><p>&quot;Parang useless din kasi sabi ko iinterviewhin ako saan ako [ieere]. Pasensya na ma&#x27;am kung medyo nagkulang ako dun. Palagi naman ako ini-interview ng ABS-CBN, pro-ABS-CBN po ako. My sincerest apology po ma&#x27;am sa inyo and sa ABS-CBN,&quot; ayon sa pulis. </p><div><strong>BILANG NG EMPLEYADO INAALAM</strong></div><p>Sa Naga City pa rin, 2 lalaking sakay ng police mobile at nagpakilalang pulis ang nagpunta sa ABS-CBN compound para tanungin sa guwardiya kung ilan ang empleyado ng kompanya.</p><p>Sa Albay naman, sunod-sunod ang tawag na natanggap ng ilang empleyado mula umano sa PNP na nagtatanong rin kung ilan ang empleyado ng kompanya sa probinsya.</p><p>Paglilinaw ng Bicol police, wala silang ganong direktiba. Wala pa namang sagot ang Albay police. </p><p>Sa Cagayan de Oro City, may mga dumating din na pulis upang alamin kung ilan ang empleyado ng kompanya. Nagpakilala itong si Police Sgt. Arnel Alvarez ng Intelligence Division ng Police Station 7 sa Bulua. </p><p>May mga pulis din na tumawag sa mga reporters ng ABS-CBN News sa Iligan City, Butuan City, Zamboanga City, General Santos City, at Iloilo City para alamin ang bilang ng mga empleyado ng kompanya para sa &quot;record purposes.&quot;</p><div><strong>TANGGAL GROUP CHAT</strong></div><p>Samantala, nag-abiso naman ang ilang opisyal ng Albay police na aalisin na sa group chat ang mga ABS-CBN reporters matapos ang isang buwan na hindi pa muling eere ang network.</p><p>Giit ng mga opisyal, walang kautusan ang headquarters at sarili nila itong desisyon.</p><p>Sa huli, binawi nila ang banta nang sabihang may iba pang platform ang ABS-CBN News bukod sa broadcast. </p><p>Ang kautusan ng NTC nitong Martes ay nagpatigil sa broadcast operations ng ABS-CBN sa mga TV at radio stations nito sa Maynila at mga probinsiya. </p><p>Patuloy naman ang operasyon ng mga unit ng ABS-CBN na hindi saklaw ng prangkisa, katulad ng <a href="https://news.abs-cbn.com/">ABS-CBN News website</a>, mga social media platforms, at ANC. </p><div><strong>ABS-CBN EMPLOYEES DAPAT PALUSUTIN</strong></div><p>Sa isang pahayag nitong Huwebes, sinabi ng Philippine National Police na kinikilala pa rin sa checkpoints ang mga empleyado ng ABS-CBN sa kabila ng kautusan ng NTC. </p><p>&quot;All ABS-CBN executives, reporters, technical staff and employees remain included among Authorized Persons Outside Residence (APOR) pursuant to IATF-MEID guidelines on enhanced community quarantine and should be allowed to pass thru all quarantine control points subject to routine presentation of valid ID,&quot; ayon sa PNP. </p><p>Nitong Huwebes, naghain ang ABS-CBN ng petisyon para sa isang agarang temporary restraining order sa Korte Suprema para pansamantalang ipawalang-bisa ang cease and desist order ng NTC. </p><div><strong>— Ulat nina Mae Pulvinar, Joey Yecyec, Francis Canlas, at Jennifer Garcia, ABS-CBN News</strong></div>

<p>Sari-saring harassment ang naranasan ng mga reporters at iba pang empleyado ng ABS-CBN sa mga rehiyon, dalawang araw matapos mawala sa ere ang network sa bisa ng cease and desist order ng NTC laban sa kompanya. </p>

Sari-saring harassment ang naranasan ng mga reporters at iba pang empleyado ng ABS-CBN sa mga rehiyon, dalawang araw matapos mawala sa ere ang network sa bisa ng cease and desist order ng NTC laban sa kompanya.