Push Admin

Ilang barangay salat sa kandidato; dayaan pangamba sa halalan

Article (news)

ABS-CBN News

Nag-iisa lang ang kandidatong tumakbo sa pagka-chairman sa ilang mayamang barangay sa Makati. Kulang din ang mga kandidato para sa Sangguniang Kabataan (SK).Katulad na lang sa Barangay Bel-air sa Makati na isa sa pinakamayaman at pinakaprogresibong barangay sa Pilipinas.Ang tanging tumatakbo chairman ay ang kasalukuyang pinuno rin ng barangay na si Constancia Lichauco.Sa SK naman, kulang pa ng tatlo ang mga kumakandidato.Tahimik din ang pangangampanya sa Barangay San Lorenzo kung saan si reelectionist chairman Ernesto Moya lang din ang kandidato.Walo lang ang kumakandidatong kagawad at walang kalaban ang tumatakbo sa SK.Karamihan sa kanilang sinusuyo ay mga kasambahay, drayber, at hardinero na bumubuo sa 50 porsiyento ng voting population ng barangay.Pero ayon sa political analyst na si Ramon Casiple, bihira ang isa lang ang tumatakbong kapitan at kulang ang kumakandidato sa ibang posisyon.Madalas aniyang pinag-aagawan ang mga posisyon sa barangay lalo&#x27;t kaakibat nito ay kapangyarihan at paghawak ng malaking pondo.Ngayong 2018, aabot ng P8 milyon ang internal revenue allotment ng Barangay San Lorenzo at P15 milyong piso naman para sa Barangay Bel-air.Paliwanag ni Casiple, posibleng masaya na ang mga residente sa mga proyekto&#x27;t serbisyong ibinibigay ng mga incumbent official kaya wala nang kumakalaban sa mga ito.Pero posible ring ang iba raw ay baka wala nang pakialam sa halalan.Paalala ni Casiple, may pagpipilian man o wala, tungkulin ng bawat botante na pumili ng kanilang mga lider sa barangay.<div>&#x27;BANTA NG DAYAAN&#x27;</div><figure class="op-interactive"><div id="IVS_ABS_Video_Widget_1_Container"><ivs-player id="IVS_ABS_Video_Widget_1" allow="autoplay" data-ivs-key="e8c22c015ca9eafa76f1e3edfa03c603" data-ivs-spid="3001339" data-ivs-wid="f5fb7bd1-3880"></ivs-player><script src="https://player.ivideosmart.com/ivsplayer/v4/dist/js/loader.js"></script></div></figure><div class="iwantbar">Watch more in <a href="~//www.iwantv.com.ph/">iWantv</a> or <a href="~//tfc.tv/">TFC.tv</a></div>Nababala ang National Movement for Free Elections (Namfrel) at ang Parish Pastoral Council for Responsible Voting (PPCRV) sa posibleng dayaan at kalituhan sa halalan sa Lunes, Mayo 14. Pinaghahanda rin ang mga botante ng mga cellphone camera para sa vote buying dahil maaaring magkabayaran daw bago pumasok sa presinto o pagkatapos bumoto. Mayroon ding binabayaran para huwag nang bumoto upang mabawasan ang boto ng kalaban.Nakiusap din ang PPCRV na huwag magpadala sa pera o utang na loob ang mga botante.Paalala rin nila na hanggang Sabado, Mayo 12, na lang ang kampanya at bawal na sa Linggo at Lunes. Bawal din ang mga pagkain, pamimigay ng t-shirt, scholarship at iba pang bagay para iboto ang isang kandidato.Isa sa mga babantayan ng NAMFREL ang mga ballot box na dapat daw masigurong walang laman bago magbukas ang mga presinto alas-7 ng umaga.Magtatayo naman ng mga assistance desk ang PPCRV para sa mga maghahanap ng kanilang polling precint at para sa mga senior citizen, buntis at persons with disability.Bahagi din ang NAMFREL at PPCRV sa mga peace covenant na sinusumpaan tulad sa Quezon City kung saan nangangako ang mga kandidato na hindi sila mangunguna sa anumang karahasan ngayon halalan.Nitong Abril 21, nagsagawa ang Commission on Elections (Comelec) ng simulation o mock election sa Rosauro Almario Elementary School sa Tondo, Maynila at napag-alaman nilang marami sa mga botante ang hindi pa alam kung anong balota ang gagamitin.Kaya isa ito sa mga gustong ipaalala ng NAMFREL at PPCRV.Ang balota na may itim na imprenta ay para sa barangay at ang pula naman ay para sa SK.Maaari naman daw magdala ng kodigo.Nauna na ring ipinaliwanag ng Comelec na petsang &quot;October 2017&quot; ang nakaimprenta sa mga balotang gagamitin sa Luzon at Visayas para sa barangay at SK elections sa Mayo 14.Ayon kay Comelec spokesperson James Jimenez, hindi nadagdagan ang pondo para sa halalang paulit-ulit naantala mula noong 2016 kaya kinailangang gamitin ng Comelec ang mga balotang naimprenta noon pang Oktubre kung kailan huling dapat isasagawa ang halalan. <ul class="op-related-articles">	<li><a href="http://news.abs-cbn.com/news/04/23/18/balota-sa-luzon-visayas-nakaimprentang-petsa-ay-october-2017">&#x27;Balota sa Luzon, Visayas, nakaimprentang petsa ay October 2017&#x27;</a></li></ul><div>-- Ulat nina Bianca Dava, Kevin Manalo, at Oman Bañez, ABS-CBN News</div>

Ilang barangay sa Makati ang may iilan lamang kandidato para sa barangay at Sangguniang Kabataan. Samantala, nababahala naman ang mga election watchdogs sa dayaan at kalituhan sa araw ng halalan.

Ilang barangay sa Makati ang may iilan lamang kandidato para sa barangay at Sangguniang Kabataan. Samantala, nababahala naman ang mga election watchdogs sa dayaan at kalituhan sa araw ng halalan.