Push Admin

Halalan 2022: Marcos-Duterte tandem nanguna sa partial, unofficial count

Article (news)

ABS-CBN News

MAYNILA - Nangunguna sa partial, unofficial count ng 2022 presidential at vice presidential elections sina Bongbong Marcos at ang ka-tandem na si Sara Duterte, base sa na-transmit na election returns nitong Mayo 9, araw ng halalan. Ayon sa datos magmula nitong alas-9:30 ng gabi ng Mayo 9, nanguna si Marcos, anak ng diktador na si Ferdinand Marcos Sr., na may 20,084,651 boto. Dahil sa kasalukuyang resulta, naungusan na ni Marcos ang bilang ng botong nakuha ni incumbent president Rodrigo Duterte noong 2016, na nasa 16 milyon. Ang pinakamalapit na katunggali ni Marcos, si Vice President Leni Robredo, ay nakakuha ng 9,492,702 na boto. Sinundan sila nina Sen. Manny Pacquiao na nakakuha ng 1,766,290 na boto, Manila Mayor Isko Moreno Domagoso (1,330,008,) Sen. Panfilo &quot;Ping&quot; Lacson (660,178), Faisal Mangondato (79,398), Ernesto Abella (61,386), Leody De Guzman (55,246), Norberto Gonzales (50,310), at Jose Montemayor Jr. (35,331). Nangunguna naman si Davao City Mayor Sara Duterte sa partial, unofficial count ng vice presidential race matapos makakuha ng 19,706,564 votes. Sinundan naman ito ng ka-tandem ni Robredo na si Kiko Pangilinan na may (6,017,896) votes, at ni Senate President Vicente &quot;Tito&quot; Sotto III na may (5,450,787) boto. Sinundan sila nina Dr. Willie Ong (1,347,892), Lito Atienza (143,990), Manny Lopez (80,720), Walden Bello (56,083), Carlos Serapio (47,562) at Rizalito David (29,352). Sa senatorial race, nangunguna ang aktor na si Robin Padilla na may 16,441,195 votes. Sinundan naman siya nina Loren Legarda (15,896,981), Raffy Tulfo (15,240,955), Win Gatchalian (13,611,577), Chiz Escudero (13,542,957), Mark Villar (12,604,192), Alan Peter Cayetano (12,514,348), Migz Zubiri (12,043,798), Risa Hontiveros (10,351,953), JV Ejercito (10,314,576), at si Jinggoy Estrada (9,555,084). Nangunguna naman ang ACT-CIS party-list sa mga partylist sa halalan, na may 1,441,662 boto. Para sa updated na resulta ng halalan, maaaring tumingin sa <a href="https://halalanresults.abs-cbn.com/">page</a> na ito.

Nangunguna sa partial, unofficial count ng 2022 presidential at vice presidential elections sina Bongbong Marcos at ang ka-tandem na si Sara Duterte. 