Push Admin

Metro Manila, Laguna, Cebu City, isasailalim sa ‘modified’ enhanced community quarantine

Article (news)

ABS-CBN News

<figure class="op-interactive"><iframe height="315" src="https://www.youtube.com/embed/827gbMhz2fE?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><h3>Community quarantine sa ilang lugar iaalis simula Mayo 16: IATF </h3>MAYNILA - Isasailalim ang Metro Manila at iba pang lugar gaya ng probinsiya ng Laguna at Cebu City sa modified enhanced community quarantine (MECQ) mula Mayo 16 hanggang Mayo 31, bilang hakbang ng gobyerno na buksan nang paunti-unti ang ekonomiya ngayong may banta pa ng coronavirus disease 2019 (COVID-19) Ayon sa Inter-Agency Task force for Managing Emerging Infectious Diseases, maituturing pa rin na &quot;high risk&quot; areas ang mga nabanggit na lugar kaya minabuting higpitan pa rin ang quarantine protocols habang binubuksan pa rin ang ekonomiya rito. Ang enhanced community quarantine ang pinakamahigpit sa quarantine protocols na inilatag ng gobyerno, kung saan sinususpinde ang pampublikong transportasyon, mass gatherings at ilan pang negosyo na maituturing na &quot;non-essential&quot; ngayong may banta ng coronavirus. Mananatili pa rin sa ECQ ang mga nabanggit na lugar sa ilalim ng MECQ, ang pagkakaiba lang, maaari nang magbukas ang mga piling manufacturing at processing plants at gumamit nang hanggang 50 porsiyento ng kanilang workforce, ayon kay IATF spokesperson Harry Roque. Magkakaroon din ng limitadong transport services, at mananatiling suspendido ang klase sa mga apektadong lugar ng MECQ. &quot;Magkakaroon din po tayo siyempre dahil mayroon nang pasok ang ilang mga industriya sa modified ECQ nang kaunting limited transportation services para po sa mga papasok sa trabaho at para po doon sa magbibigay ng essential goods and services. Suspendido pa rin po ang lahat ng klase sa lahat ng antas,&quot; ani Roque. Pero pinaplantsa pa ng gobyerno kung ano-ano ang mga industriyang na pasok dito, dagdag niya. Pinagbigyan din umano ng IATF ang hiling ng mga alklade ng Metro Manila na magpatupad ng iisang protocol para sa buong National Capital Region pati na ang pagkakaroon ng kapangyarihang magsagawa ng lockdown sa kanilang mga nasasakupang barangay. &quot;Mayroon pa rin pong mga lugar sa modified ECQ na mananatili sa ECQ. Ito po ang mga barangay o mga zona ng mga barangay kung saan mananatili yung ECQ,&quot; ani Roque. &quot;Kasama na rin po ang mga areas na dito sa mga critical zones na ito na ang tinatawag natin ay containment zone. Kung ano ang mga areas na ito ay hahayaan natin yan sa mga lokal na pamahalaan in coordination with the regional IATF,&quot; dagdag niya. Sa mga lugar na may enhanced community quarantine na lang din gagawin ang ika-2 bugso ng social amelioration program o cash aid na pinagkakaloob sa mga sapul ng lockdown. <div>Lockdown sa iba pang lugar luluwagan pagkatapos ng Mayo 15</div>Ang mga sumusunod na lugar na noong isinailalim sa ECQ ay inilagay sa GCQ: <ul>	<li>Cagayan Valley</li>	<li>Central Luzon</li>	<li>Calabarzon (maliban sa Laguna)</li>	<li>Cordillera Administrative Region </li>	<li>Central Visayas (maliban sa Cebu) </li>	<li>Zamboanga Peninsula</li>	<li>Davao Region</li>	<li>Caraga Region</li></ul>Pero susuriiin pa ng gobyerno kung ibababa ang Cavite, Angeles City, Davao City, Davao de Oro sa GCQ, batay sa magiging datos sa mga nasabing lugar pagdating ng Mayo 14. Aalisin naman ang community quarantine na nakataas sa mga sumusunod na lugar: <ul>	<li>Ilocos Region</li>	<li>Mimaropa</li>	<li>Bicol Region</li>	<li>Western Visayas</li>	<li>Eastern Visayas</li>	<li>Northern Mindanao</li>	<li>Soccsksargen</li>	<li>Bangsamoro Autonomous Region in Muslim Mindanao</li></ul>Pero susuriiin pa ng gobyerno kung itutuloy ang pag-alis ng quarantine sa Ilocos Norte, Albay, La Union, Pangasinan, Dagupan City, Legazpi at Albay, batay sa magiging datos sa mga nasabing lugar pagdating ng Mayo 14. Pero kahit may pagluwag sa mga restriksyon, iginiit ng gobyerno na kailangan pang magpatupad ng sapat na pag-iingat sa mga lugar para maiwasan ang pagkalat ng virus. &quot;Hindi pa rin po tayo maging complacent, kailangan pa rin tayong [maging] vigilant, kailangan pa ring gawin lahat ng minimum health standards so we can prevent infections,” ani Health Secretary Maria Rosario Vergeire sa press briefing. &quot;We cannot afford a second or third wave na mangyari,” ani Duterte sa public address na umere, umaga ng Martes, bago ang press briefing ni Roque. Posible ring iapela ng mga lokal na opisyal ang kanilang klasipikasyon sa IATF. Sa tala ng Department of Health, hapon ng Lunes, nasa 11,086 tao ang kumpirmadong positibo sa sakit, may 1,999 namang gumaling habang 726 ang namatay. -- May ulat ni Pia Gutierrez, ABS-CBN News

MAYNILA - Ilalagay ang Metro Manila at iba pang lugar gaya ng mga probinsiya ng Laguna at Cebu sa “modified” enhanced community quarantine mula Mayo 16 hanggang Mayo 31, bilang hakbang ng gobyerno na buksan nang paunti-unti ang ekonomiya ngayong may banta ng coronavirus disease 2019 (COVID-19)

MAYNILA - Ilalagay ang Metro Manila at iba pang lugar gaya ng mga probinsiya ng Laguna at Cebu sa “modified” enhanced community quarantine mula Mayo 16 hanggang Mayo 31, bilang hakbang ng gobyerno na buksan nang paunti-unti ang ekonomiya ngayong may banta ng coronavirus disease 2019 (COVID-19)