Push Admin

'Bilang ng nagkaaberyang vote counting machines halos nag-triple'

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img src="https://sa.kapamilya.com/absnews/abscbnnews/media/2019/tvpatrol/05/08/20190513-elections-makati-fsj-0731.jpg"/><figcaption>Sinusuri ng election officer ang isang pumalyang vote-counting machine sa San Antonio High School sa Makati. <em>Fernando G. Sepe Jr., ABS-CBN News</em></figcaption></figure></div><p>MAYNILA — Nag-triple ngayong 2019 midterm elections ang bilang ng mga pumalyang vote-counting machines (VCM) na tumatanggap sa balota ng mga botante, ayon sa Commission on Elections (Comelec) nitong Lunes, araw ng halalan.</p><figure class="op-interactive"><iframe height="315" src="https://www.youtube.com/embed/5oBmM4aTx6c?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Ayon kay Comelec spokesperson James Jimenez, tinatayang aabot sa 400 hanggang 600 sa 85,000 VCM ang pumalya, halos doble o triple sa 188 noong 2016 national elections. </p><p>Mula umaga ng Lunes, naitala agad ang mga insidente ng maling paglalabas ng mga pangalan sa voting receipts, pag-overheat ng mga makina, at hindi pagbubukas ng mga VCM, na nagresulta sa mahabang pag-iintay ng mga botante. </p><p>Inireklamo ng botanteng si Israel Tandoc ang umano&#x27;y pagkakamali sa ballot receipt na natanggap niya matapos bumoto. Sinabihan umano siya na dumulog sa Comelec, na ikinadismaya niya. </p><p>&quot;Sinabihan kami na pumunta raw kami ng Comelec, eh bakit kami ang pupunta? Sila ang pumunta sila ang nagkamali, mali ang lumabas dun sa receipt,&quot; ani Tandoc. </p><figure class="op-interactive"><iframe height="315" src="https://www.youtube.com/embed/ZWC-wAVIAMM?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Naantala naman nang 20 minuto ang pagboto sa Jose R. Torres Elementary School sa Bacolod City matapos magkaaberya ang kanilang voter registration verification machines at VCM. </p><p>Nagkaroon naman ng paper jam sa Guadalupe Elementary School sa Cebu City, kung saan kinakailangan pang palitan ang VCM para mapasok ang mga balota. </p><p>Nasagip naman ang limang sundalo at dalawang tauhan ng Comelec nang lumubog ang sinasakyang motorbanca na maghahatid sana ng vote counting machine sa tatlong barangay sa Samar.</p><p>Kasamang lumubog ngunit agad ding narekober ang VCM na gagamitin sana sa mga barangay ng Darajuay, Majaba at Basiao sa Catbalogan.</p><p>Napalitan naman umano agad ng Comelec ang lumubog na VCM at natuloy din ang halalan sa naturang mga barangay.</p><p>Samantala, pumalya din ang ilang VCM sa Zamboanga at Tagum City sa Mindanao pero napalitan agad ang mga ito. </p><div><strong>MGA KANDIDATO, PERSONALIDAD APEKTADO RIN </strong></div><figure class="op-interactive"><iframe height="315" src="https://www.youtube.com/embed/zuAM7puEMYo?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Ito rin ang reklamo sa pagboto ng ilang politiko gaya ni dating vice president Jejomar Binay, na sumugod sa tanggapan ng Comelec para ireklamo na ilang beses na-reject ng VCM ang kaniyang balota. </p><p>Ilang oras din ang inabot bago makaboto si incumbent Makati Mayor Abigail Binay nang hindi tanggapin ng VCM ang balota sa presinto kung saan siya nakatalaga. </p><p>Inireklamo naman ng TV-host actress na si Karla Estrada na halos dalawang oras siyang nakapila sa kaniyang presinto sa barangay Pasong Tamo, Quezon City dahil hindi tinatanggap ng VCM ang kanilang balota.</p><figure class="op-interactive"><iframe height="315" src="https://www.youtube.com/embed/FK-kptQwEH4?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Kasama rin ang reelectionist na si Grace Poe sa mga nabiting bumoto sa pagpalya ng VCM sa Sta. Lucia Elementary School sa San Juan. Umabot ng 2 oras bago siya nakapag-boto. </p><p>Nahuli namang bumoto si Pasig mayoral bet Vico Sotto matapos pumapalya ang VCM ng kanilang presinto. </p><p>Ani Comelec spokesperson James Jimenez, napalitan na daw ang mga nagkaaberya na mga VCM.</p><p>Iniimbestigahan na rin ng Comelec ang nangyaring mga pagpalya. </p><p>&quot;It is larger than what we saw in 2016, and therefore it is a bit surprising, and I understand how some people would feel that that is not the ideal situation because obviously it is not. So we will look into that,&quot; ani Jimenez. </p><div><strong>—Ulat nina RG Cruz, Jeff Hernaez, Jorge Cariño, Katrina Domingo, Annie Perez, Willard Cheng, at MJ Felipe, ABS-CBN News </strong></div>

<p>Nag-triple ngayong 2019 midterm elections ang bilang ng mga pumalyang vote counting machines kung ikukumpara noong halalan 2016, sabi ng Comelec.</p>

Nag-triple ngayong 2019 midterm elections ang bilang ng mga pumalyang vote counting machines kung ikukumpara noong halalan 2016, sabi ng Comelec.