Push Admin

'Suntukan, rambol': Ilang karahasan sumiklab sa gitna ng halalan

Article (news)

ABS-CBN News

<figure class="op-interactive"><iframe height="315" src="https://www.youtube.com/embed/dxD768i13KY?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Sari-saring karahasan at gulo ang naitala sa iba&#x27;t ibang bahagi ng bansa nitong Lunes kasabay ng pagsasagawa ng midterm elections. </p><p>Sa isang presinto ng Bacong Elementary School sa Marantao, Lanao del Sur, nagtagpo ang mga supporter ng isang magkalabang kandidato nitong hapon.</p><p>Nagkainitan at nagbangayan, hanggang sa nauwi na sa gulo. </p><p>Ang isang botante, ibinato ang silya sa kaniyang kalaban hanggang sa nagkasuntukan at nagkasipaan.</p><p>Isang warning shot ang ginawa ng isang pulis para mapaghiwalay ang mga nag-aaway. Isa sa kanila ang duguan ang ulo dahil sa suntukan. </p><p>Sa Cawayan Elementary School naman, sapilitang sinira ng ilang lalaki ang pader ng classroom at pinasok ang mga electoral board.</p><p>Binalibag ang vote counting machine, pinunit ang mga balota at sinaktan ang isang opisyal doon. </p><p>&quot;Pinagbubugbog nila ako kasi pinoprotektahan ko &#x27;yung machine, niyakap ko, binugbog ako,&quot; ani Annas Deriposun.</p><p>Masuwerteng gumana pa rin ang makina at itinuloy ang botohan.</p><p>Sa ngayon, sa mga munisipyo muna magbibilangan pero kung magkakagulo ay ililipat agad ito sa kapitolyo ng probinsiya.</p><div><strong>MARAWI</strong></div><figure class="op-interactive"><iframe height="315" src="https://www.youtube.com/embed/RrpfmoYoEJ0?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Samu&#x27;t sari rin ang naging aberya sa halalan sa Marawi gaya na lang ng suntukan sa isang presinto ng supporters ng mga magkatunggaling mga kandidato.</p><p>Sa Amai Pakpak Elementary School na isa sa mga pinakamalalaking polling centers sa Marawi, nagkasuntukan ang mga supporter matapos magkainisan.</p><p>Pero walang inaresto at nagdagdag lang ang militar ng seguridad sa area.</p><p>Ayon sa Armed Forces of the Philippines (AFP), mas mapayapa raw ang halalan kumpara noong nakaraan kung saan may barilan, pagpapasabog, at mga namatay. </p><div><strong>ABRA </strong></div><figure class="op-interactive"><iframe height="315" src="https://www.youtube.com/embed/F23JSPsZlQs?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Bahagyang naantala naman ang botohan sa tatlong barangay sa Abra matapos magkagulo ang mga supporter.</p><p>Sa Barangay Collago, Lagayan, nagsuntukan ang mga supporter ng magkalabang kandidato sa pagkaalkalde. Nakuhanan pa ng video ang pag-aresto sa mga ito.</p><p>Hindi naman makaboto ang mga residente sa parehong barangay dahil sa pananakot ng umano&#x27;y supporters ng isang mayoralty candidate. </p><p>Sa Bangued, Abra naman, nagkaroon ng batuhan ang supporters ng magkalabang kandidato sa pagkaalkalde. </p><p>&quot;We are expecting sana na wala nang maidagdag. Sabi ko nga na kahit marami ang sundalo at pulis dito kung talagang may gusto manggulo, mangyayari yan pero we have to contain,&quot; sabi ni Police Col. Alfredo Dangani, Provincial Director ng Abra police.</p><div><strong>—Ulat nina Ron Gagalac, Jeff Canoy, at Micaella Ilao, ABS-CBN News</strong></div>

<p>Sari-saring karahasan at gulo ang naitala sa iba't ibang bahagi ng bansa nitong Lunes kasabay ng pagsasagawa ng midterm elections.</p>

Sari-saring karahasan at gulo ang naitala sa iba't ibang bahagi ng bansa nitong Lunes kasabay ng pagsasagawa ng midterm elections.