Push Admin

Libo-libong residente lumikas dahil sa 'Ambo'; brownout sa ilang lugar naiulat

Article (news)

ABS-CBN News

<figure class="op-interactive"><iframe src="https://www.youtube.com/embed/Rj2UzDes8B8?enablejsapi=1"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>MAYNILA<strong> (UPDATE) </strong>- Aabot sa libo-libong pamilya ang inilikas sa iba&#x27;t ibang lugar na apektado ng bagsik ng bagyong Ambo, na 7 beses nang nag-landfall sa bansa bago humina Biyernes ng hapon.</p><p>Unang tumama ang bagyo sa San Policarpo, Eastern Samar at muling nag-landfall sa Dalupiri at Capul Island sa Northern Samar. Tumama ito hatinggabi sa Ticao Island sa Masbate at dumiretso sa Burias Island, Masbate.</p><p>Magmula ngayong Biyernes, umaabot sa 140 kilometro kada oras ang lakas ng hangin ng bagyo at pagbugsong inaabot ng 100 kilometro kada oras.</p><p>Bahagya itong bumilis sa 20 kilometro kada oras at dumadaan sa hilangang-silangang direksyon.</p><p>Dumating ang bagyo ngayong may banta ng coronavirus at naka-lockdown ang ilang lugar para mapigilan ang pagkalat ng sakit.</p><p>Umabot sa 10,000 residente ang inilikas sa Northern Samar sa ngayon, ayon kay Josh Echano, pinuno ng disaster office ng probinsiya.</p><p>&quot;Medyo wala nang ulan, wala nang hangin pero &#x27;yung damage, umabot na sa 10,641 individuals na nag-evacuate. Pero ang alam ko lalaki pa ito,&quot; ani Echano sa panayam sa Teleradyo.</p><p>Wala pa rin aniyang kuryente sa probinsiya simula alas-2 ng hapon ng Huwebes at nawalan umano ang telecommunication signal.</p><p>Pero sa ngayon, wala pang naiuulat na nasaktan.</p><p>Sa San Policarpo, Eastern Samar, kung saan unang tumama ang bagyo, isa ang naitalang patay. Naitala rin ang matinding pinsala sa lugar.</p><div><strong>BICOL REGION</strong></div><p>Sa Albay, aabot sa 15,000 pamilya ang inilikas sa iba&#x27;t ibang evacuation center, ayon kay disaster chief Cedric Daep. Wala ring kuryente sa lugar sa ngayon.</p><p>Kasabay nito, nagpapatupad sila ng physical distancing sa mga evacuation center, pagtitiyak ng opisyal.</p><p>Dama sa lugar ang malakas na hangin gabi ng Huwebes at manaka-nakang ulan na lang ang nararanasan pagdating ng umaga ng Biyernes.</p><p>Sa Pilar, Sorsogon, minimal lang ang naiulat na danyos sa imprastraktura. Pero maraming mga palayan ang nalubog sa baha.</p><p>Sa Camarines Sur, tinatayang nasa 19 sa 35 bayan ng probinsiya ang nawalan ng kuryente. Pero madadaanan naman ang lahat ng kalsada at hindi naapektuhan ng telecommunication lines sa lugar.</p><p>Nasa 15 pamilya ang inilikas dahil sa bagyo. Wala pang naitatalang casualty o bilang ng sugatan dahil sa bagyo; gayunman, sinabi ni CamSur incident commander Edgardo Guevarra na dapat munang manatili sa evacuation centers ang mga inilikas na pamilya.</p><p>Wala namang naiulat na nasugatan at namatay nang manalasa ang bagyo sa lugar, ayon sa Philippine National Police sa Bicol Region.</p><p>Pero hinihintay pa ang pagsisiyasat ng Office of Civil Defense kung gaano kalawak ang pinsala ng bagyo sa rehiyon.</p><div><strong>QUEZON</strong></div><p>Nakataas ang Signal No. 3 sa Quezon, na nakaranas ng malakas na hangin at pabugso-bugsong ulan dala ng bagyo bandang alas-5 ng umaga.</p><p>Mahigit 1,000 pamilya mula sa 8 bayan na malapit sa dalampasigan ang inilikas, ayon kay Melchor Abenilla, disaster chief ng Quezon.</p><p>Ang mga security checker sa Atimonan Port, nagbabantay pa rin bilang pag-iingat sa coronavirus disease 2019 (COVID-19).</p><p>Higit limang oras nang nararanansan dito sa Bondo Peninsula sa Quezon Province ang bagsik ng bagyong Ambo.</p><p>May mga nawasak naman na bahay sa Catanauan, Quezon at wala ring kuryente sa lugar.</p><p>Nagsibagsakan din ang mga puno at mga kawad ng kuryente sa bayan.</p><p>Ayon kay Mayor Ramon Orfanel, nasa 200 pamilya na ang kanilang nailikas sa mga simbahan at eskUwelahan. Pagkain ang kanilang hinihiling lalo&#x27;t naubos na ang kanilang pondo dahil sa COVID-19.</p><p>Nag-ikot din ang local officials para palikasin ang mga residente lalo na ang nasa tabing dagat dahil napakalakas na ng alon.</p><div><strong>STORM SIGNAL</strong></div><p>Inalis na sa Signal No. 3 ang ilang lugar.</p><p>Pero nakataas pa rin ang storm signal sa ilang probinsiya at siyuidad</p><div><strong>SIGNAL NO. 2</strong></div><ul>	<li>Ilocos Norte</li>	<li>Ilocos Sur</li>	<li>La Union</li>	<li>Apayao</li>	<li>Abra</li>	<li>Kalinga</li>	<li>Mountain Province</li>	<li>Ifugao</li>	<li>Benguet</li>	<li>Eastern portion of Pangasinan (San Nicolas, Natividad, San Quintin, Umingan, Balungao, Sta. Maria, Tayug, Asingan, San Manuel, Binalonan, Laoac, Urdaneta, Villasis, Rosales, Sto. Tomas, Alcala, Bautista, Bayambang, Urbiztondo, Basista, Malasiqui, Sta. Barbara, Manaoag, Mapandan, San Jacinto, San Fabian, Pozorrubio, Sison, Mangaldan, Dagupan, Calasiao, Binmaley, Lingayen, Bugallon, Aguilar, San Carlos, Mangatarem)</li>	<li>Tarlac</li>	<li>Pampanga</li>	<li>Metro Manila</li>	<li>Bulacan</li>	<li>Laguna</li>	<li>Cavite</li>	<li>Batangas</li>	<li>Rizal</li>	<li>Marinduque</li>	<li>Northern portion of Quezon (General Nakar, Infanta, Real, Mauban, Sampaloc. Lucban, Tayabas, Sariaya, Candelaria, Dolores, Tiaong, San Antonio, Lucena, Pagbilao, Atimonan, Padre Burgos, Agdangan, Plaridel, Unisan, Gumaca, Pitogo, Macallelon, General Luna, Catanauan, Lopez, Buenavista, Guinayangan, Calauag, Tagkayawan, Perez, Alabat, Quezon)</li>	<li>Polillo Islands</li>	<li>Western portion of Camarines Norte (Santa Elena, Capalonga)</li>	<li>Nueva Ecija</li>	<li>Nueva Vizcaya</li>	<li>Aurora</li>	<li>Quirino</li>	<li>Western portion of Isabela (Quezon, Mallig, Roxas, Quirino, San Manuel, Burgos, Gamu, Reina Mercedes, Aurora, Luna Cabanatuan, Naguilian, Benito Soliven, Cauayan, San Guillermo, Dinapugue, San Mateo, Alicia, Angadanan, Ramon, San Isidro, Echague, Jones, San Agustin, Santiago, Cordon)</li></ul><div><strong>Signal No. 1</strong></div><ul>	<li>Cagayan including Babuyan Islands</li>	<li>Batanes</li>	<li>Zambales</li>	<li>Bataan</li>	<li>Rest of Pangasinan</li>	<li>Rest of Isabela</li>	<li>Rest of Quezon</li>	<li>Rest of Camarines Norte</li>	<li>Western portion of Camarines Sur (Del Gallego, Ragay, Lupi, Sipocot, Libmanan, Cabusao)</li>	<li>Northeastern portion of Oriental Mindoro (Puerto Galera, San Teodoro, Baco, Calapan, Naujan, Victoria, Socorro, Pola)</li></ul><p>Kasabay nito, pinatitiyak ng National Disaster Risk Reduction and Management Council sa mga lokal na pamahalaan na sundin pa rin ang quarantine protocols at sumunod sa physical distancing.</p><p>Dapat din aniya layo-layo ang tutulugan ng mga lumilikas.</p><p>Dapat din aniyang naka-face mask ang mga nagsisilikas at naka-personal protective equipment din dapat ang mga mangangasiwa sa evacuation.</p><div><strong>-- May ulat nina Mylce Mella, Thea Omelan at Andrew Bernardo, ABS-CBN News</strong></div>

<p>Aabot sa libo-libong pamilya ang inilikas sa iba't ibang lugar na apektado ng bagsik ng bagyong Ambo, na 6 beses nang nag-landfall sa bansa magmula Huwebes.</p>

Aabot sa libo-libong pamilya ang inilikas sa iba't ibang lugar na apektado ng bagsik ng bagyong Ambo, na 6 beses nang nag-landfall sa bansa magmula Huwebes.