'Wag tawaging suka': DOST, nagpaliwanag sa 'suka' na may synthetic acetic acid

Watch more in iWantv or TFC.tv

Nakakasama umano ang pagkakaroon ng kakulangan sa label sa mga suka o brand ng vinegar na may synthetic acetic acid lalo't may petrolyong sangkap ang mga ito, ayon sa kalihim ng Department of Science and Technology (DOST)

Ayon kay Philippine Nuclear Research Institute (PNRI) director Carlo Arcilla, dapat may karagdagang tatak ang mga brand ng vinegar na naghahalo ng synthetic acetic acid sa kanilang suka.

Kapag sinabi raw kasing vinegar ang isang sangkap ay dapat gawa ito sa natural na sangkap.

"'Di tinatawag na vinegar 'yan. Puwede namang non-fermented acetic acid. 'Yan po ang sabihin kasi as I said hindi siya masama (kahit) di siya pure," ani Arcilla sa panayam sa DZMM.

• FDA iimbestigahan ang mga brand ng sukang may synthetic acetic acid

Watch more in iWantv or TFC.tv

Sang-ayon dito si DOST Secretary Fortunato Dela Peña, na itinuturing "mislabeled" ang mga naturang produkto.

"Mislabeled (siya) kasi ang kahulugan ng suka fermented material," ani Dela Peña sa hiwalay na panayam.

Bagaman hindi pa napapatunayang nakakasama ang synthetic acetic acid sa katawan, may pag-aaral umano silang nakikita na nakakasama ang ano mang sangkap na galing sa mga petroleum-based na materyal.

"Wala kaming proof na harmful. Ang sinasabi namin, mayroong literature na anything na petroleum based chemicals ay pwedeng harmful," ani Dela Peña.

Sa resulta ng isang pag-aaral ng DOST-PNRI noong Mayo 11, lumabas na karamihan sa mga brand ng sukang na-testing nila ay synthetic acetic acid lamang at hindi gawa sa mga natural na ingredients.

• 8 sa 10 suka sa bansa 'peke,' maaaring gawa sa petrolyong sangkap: pag-aaral

Nauna na ring sinabi ni Health Undersecretary Eric Domingo na wala namang nakasasama sa pagkonsumo ng synthetic acetic acid.

Layon ng pag-aaral na alamin kung plant-based o petroleum-based ang ginamit na mga sangkap sa suka.