Push Admin

Operasyon ng Manila Central Post Office ililipat kasunod ng sunog

Article (news)

ABS-CBN News

<figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=2624623" width="100%"></iframe></figure><div class="iwantbar">Watch more News on <a href="https://www.iwanttfc.com/#!/browse/Genres/News/tag_id_genres/id_news" target="_blank">iWantTFC</a></div><p>(UPDATE) Ililipat muna sa ilang pasilidad ang operasyon ng Manila Central Post Office matapos masunog ang makasaysayang gusali nitong umaga ng Lunes.</p><p>Sa panayam ng Teleradyo, sinabi ni Philippine Postal Corporation (PHLPost) Post Master General and CEO Luis Carlos na ire-relocate muna sa mail distribution center sa Delpan ang operasyon ng post office habang pansamantalang magsisilbing business mail service para sa mga pribadong kompanya ang central mail exchange sa Ninoy Aquino International Airport.</p><p>Plano naman aniya ng PHLPost na magpuwesto ng mail acceptance areas sa iba-ibang lugar sa lungsod ng Maynila para tumanggap ng mga sulat at parcel.</p><p>Nilinaw ni Carlos na tanging mail service ng Maynila ang naapektuhan ng sunog at hindi ang mail service system ng bansa.</p><p>Naka-cloud storage din aniya ang mga record ng post office kaya walang inaasahang files at dokumento na nadamay sa sunog.</p><p>&quot;We&#x27;re fixing already where the Manila Central Post Office (will resume operation). We have an area already,&quot; ani Carlos.</p><p>&quot;We have an old building beside the main building, we&#x27;re fixing it now, other offices will stay here. There&#x27;s also building at the back, it used to be a canteen at the ground floor and we&#x27;re using that as part of the offices ng corporate namin,&quot; dagdag niya.</p><p>Bago mag-hatinggabi nagsimulang masunog ang Manila Central Post Office sa Lawton.</p><ul class="op-related-articles">	<li><a href="https://news.abs-cbn.com/news/05/22/23/fire-guts-manila-central-post-office">Fire guts Manila Central Post Office</a></li></ul><p>Nagsimula ang sunog sa maintenance room sa basement ng gusali, kung saan nakaimbak ang ilang papel at hindi na nagagamit na equipment.</p><p>Katabi umano ng maintenance room ang lugar kung saan nakaimbak ang mga sulat at parcel. At dahil puro light materials ang nilalaman nito, mabilis na kumalat ang apoy na umabot hanggang sa ika-3 palapag ng gusali.</p><p>&quot;Mga highly flammable po &#x27;yong mga gamit sa loob so mabilis talagang kumalat... Totally burned po lahat &#x27;yong ating mga structure po natin so talagang nakakalungkot,&quot; ani Chief Supt. Nahum Tarroza, direktor ng Bureau of Fire Protection sa National Capital Region.</p><p>Umabot sa general alarm ang sunog, ang pinakamataas na alarma kung saan lahat ng bakanteng fire truck sa Metro Manila at kalapit na lugar ay kinailangan nang rumesponde.</p><p>Pito ang nasugatan sa insidente, kabilang ang 5 bombero, isang fire volunteer at isang civilian na pawang nagtamo ng minor injuries.</p><p>Aabot sa higit P300 milyon ang halaga ng mga ari-arian na natupok, base sa inisyal na pagtataya ng BFP.</p><p>Nilinaw naman ni Carlos na sakop ng insurance ng Government Service Insurance System (GSIS) ang gusali kaya inaasahang mababayaran sila para mapaayos muli ang gusali.</p><p>&quot;The whole buiding is insured by GSIS and you know it&#x27;s [a] historical building so we&#x27;ll have to study and investigate how the structure will hold,&quot; aniya.</p><div><strong>— May ulat ni Karen de Guzman, ABS-CBN News</strong></div><figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=2624124" width="100%"></iframe></figure><div class="iwantbar">Watch more News on <a href="https://www.iwanttfc.com/#!/browse/Genres/News/tag_id_genres/id_news" target="_blank">iWantTFC</a></div>

Ililipat muna sa ilang pasilidad ang operasyon ng Manila Central Post Office matapos masunog ang makasaysayang gusali nito nitong umaga ng Lunes.