Welcome, Kapamilya! We use cookies to improve your browsing experience. Continuing to use this site means you agree to our use of cookies. Tell me more!
Hinala ng awtoridad na matagal nang naghuhukay ang mga kawatan para makapasok sa bangko. Larawan mula kay Albert Manangan
BAUANG, La Union – Isang bangko ang nilooban ng mga kawatan sa bayang ito, Biyernes ng umaga.
Ipinagbigay-alam lamang sa awtoridad ang pangyayari matapos na makita ng isa sa mga empleyado ng bangko ang malaking butas sa sahig kung saan hinihinalang dumaan ang mga kawatan.
Ayon sa pulisya, posible raw na matagal nang naghuhukay ang mga kawatan para makapasok sa bangko.
Hindi pa tiyak kung gaano kalaki ang nakuhang pera mula sa vault na sinira ng mga kawatan.
ADVERTISEMENT
Nakuha rin sa butas ang mga bloke ng kahoy na posibleng ginamit sa paghuhukay.
Dagdag pa ng pulisya, walang CCTV, guwardiya at alarm ang bangko.
Patuloy pa ang isinasagawang imbestigasyon ng awtoridad.
ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.
