Push Admin

Naiwang residente sa Marawi, nagdidildil ng asin

Article (news)

ABS-CBN News

<figure class="op-interactive"><iframe allowfullscreen="" frameBorder="0" height="315" src="https://www.youtube.com/embed/qAdA5LZBLf4" width="560"></iframe></figure>Nakahandusay sa kalye ng Marawi City ang mga sibilyang nahagip ng mga bombang ibinagsak sa siyudad na pinaluhod ng pag-atake ng Maute Group simula Martes. Patuloy sa pagpupulasan ang mga natitirang residente ng Marawi City, kasabay ng mga taga-ibang bayan na lumilikas na rin. Nahaharap sila sa patuloy na bakbakan sa pagitan ng Maute at mga puwersa ng pamahalaan na nagtulak sa deklarasyon ng batas militar para sa buong Mindanao. Ang mga natitira sa loob ng Marawi City ay nahaharap sa posibilidad na magamit bilang human shield ng mga armado, magdildil ng asin para mabuhay, o magtiis sa dilim dahil sa takot na mamataan o ma-target sa barilan. Samantala, 31 na ang patay mula sa grupong Maute, at ilan dito ay banyaga -- Malaysian, Singaporean, at Indonesian, ayon kay Colonel Restituto Padilla, tagapagsalita ng Armed Forces of the Philippines. <div>Nahagip ng bomba</div>Tantiya ni Jalil Hassan, isa sa mga sugatan mula sa pagpapasabog, nasa 40 silang naglalakad nang bumagsak ang bomba.Aniya, naiwan ang iba niyang kasama. May mga nahiwalay sa mga takbuhan at sumuot na lamang sa ibang kalsada.Mahigit sa 10 splinter ang tumama sa likuran ni Hassan at mayroon ding mga tama din sa kanyang ulo. “Pagdating sa dulo sa city jail, nalaglagan kami ng bomba… marami kami, sir,” kuwento ni Hassan.Ayon pa sa kanya, naglalakad na sila palabas sana ng kalsada matapos ma-trap ng tatlong araw.Samantala, ngayong hapon lamang dumating sa Kapitolyo ang tatlo pang sugatan sa nangyaring pagbagsak ng bomba. Sa iba&#x27;t ibang bahagi rin ng katawan ang kanilang tama. Sinusubukan ngayon ng lokal na pamahalaan na makuha ang iba pang naiwan.May mga patay naman na nakita na lamang sa kalsada, isa sa Barangay Moncado Kadingilan at dalawa sa Basak Malutlut.<div>Sitwasyon sa ospital ng Amai Pakpak</div>Samantala, wala na ang mga pasyente sa ospital ng Amai Pakpak na pinasok ng Maute kamakailan. Sinasabing sa lugar na ito nakakalat pa ang mga sniper ng armadong grupo.Tatlong kanto mula sa lugar ang konsentrasyon ng opensiba, dahil sa direksyon na iyon tumakbo ang Maute.Makikita naman sa mistulang ghost town na lugar ang mga gusali na tadtad ng bala, basag-basag ang mga salamin, at nagkalat ang debris sa kalsada.<div>Exodus dahil sa takot, kapos na sa pagkain</div>Sa Kapitolyo, kanya-kanyang akyat ang mga residente sa mga trak ng local government units na magdadala sa kanila palabas ng Marawi.Kuwento ng isa sa mga residente na si Lani Lachican, dumating na sa punto na asin na lamang ang kinakain nila at walang mainom na tubig. Hindi rin sila makapagsindi ng kandila dahil makikita sila ng Maute na nasa labas lang ng bahay nila.Si Mino Ginancasim naman, tinanggap nang hindi na siya mabubuhay sa lakas ng mga putok at bomba na sumabog sa paligid ng bahay nila.“Sabi ko sa sarili ko baka ito na katapusan namin kasi hindi na ako makalabas ng bahay,” kuwento ni Ginancasim.Sa mga trak na rin isinakay ng LGU ang natitirang 160 estudyanteng hindi pa naililikas sa Mindanao State University.Pero karamihan ng mga nagsisilikas ngayon hindi na mga taga-Marawi, kundi sa mga katabing bayan kung saan nararamdaman din nila ang mga putukan. <div>Seguridad sa paglabas ng Marawi, hinihigpitan</div>Mahigpit pa rin ang pulis at militar sa bawat sasakyan at mga taong lalabas ng Marawi.Kanina, pinigil ng militar ang isang grupo ng mga banyaga na lalabas ng Marawi dahil gusto nilang matiyak na hindi sila foreign jihadists na kaanib ng Maute.Ngunit pinadaan din ang mga banyaga nang mapatunayan sa mga dokumento na inimbitahan lang sila para sa isang religious conference.Ayon kay Governor Mujiv Hataman ng Autonomous Region in Muslim Mindanao, nasa 15 pa ang hawak na hostage ngayon ng Maute Group sa may Cathedral of St Mary’s. Hindi niya ibinigay ang pangalan ng mga ito at kung ano ang kundisyon ng mga bihag sa kamay ng armadong grupo. <div>Banyaga sa Marawi</div>Sa patuloy na bakbakan, kasama sa mga napatay ay mga banyagang terorista, ayon sa isang opisyal.May humigit kumulang 31 ang patay mula sa grupong terorista, at kasama umano ang Malaysian, Singaporean, at Indonesian, ayon kay Padilla ng AFP. “There are certain foreign elements aiding these terrorists in skills related to terrorism, primarily bomb-making,” ayon kay Padilla sa press briefing. Sinabi ni Solicitor General Jose Calida na nakikipagsabwatan ang ilang Indonesian at Malaysian sa lokal na teroristang grupo upang makipaglaban sa militar sa Mindanao. &quot;Before, it was just a local terorrist group, but now they have subscribed to the ideology of ISIS (Islamic State),&quot; ani Calida sa news conference. Dagdag pa niya, nais ng grupong Maute at Islamic State na bumuo ng isang &#x27;ISIS province&#x27; sa Mindanao, at hindi lang daw ang gobyerno ang kanilang target, kundi maging ang mga nagtataksil sa relihiyon. <div>-- Ulat ni Ron Gagalac, ABS-CBN News</div>

Nakahandusay sa kalye ng Marawi City ang mga sibilyang nahagip ng mga bombang ibinagsak sa siyudad na pinaluhod ng pag-atake ng Maute Group simula Martes.

Nakahandusay sa kalye ng Marawi City ang mga sibilyang nahagip ng mga bombang ibinagsak sa siyudad na pinaluhod ng pag-atake ng Maute Group simula Martes.