Push Admin

Article (news)

Wanted sa Korea: 5,000 factory workers

ABS-CBN News

<figure class="op-interactive"><iframe width="560" height="315" src="https://www.youtube.com/embed/17VlQnMr0TQ" frameBorder="0" allowfullscreen=""></iframe></figure>Higit 5,000 factory workers ang kailangan ng South Korea ngayong taon. Nasa 5,400 Pinoy workers ang kailangan ngayon sa electronics, textile, chemical, at food processing factories sa South Korea. Aabot ang suweldo sa $1,200 o P59,000 kada buwan, ngunit maaari pa itong madagdagan, ayon sa Philippine Overseas Employment Agency (POEA). &quot;Pag masipag ka pa, aabutin ng P90,000. Ibig sabihin ko sa masipag, &#x27;yung mga overtime,&quot; ayon kay Jocelyn Sanchez, ang deputy administrator ng POEA. Walang placement fee dahil gobyerno sa gobyerno ang setup. POEA lang ang puwedeng magproseso ng lahat ng aplikante. Ibig sabihin, makasisigurong maayos ang employer. Upang mag-apply, kailangan lang mag-register sa employment permit system sa <a href="http://www.poea.gov.ph/epstopik/epstopik.html">website ng POEA</a> para maiskedyul ang isang skills test.Hindi na kailangan pa ang job interview dahil online ang aplikasyon. Kapag pumasa, kasama na sa listahan ng mga pagpipilian ng mga Korean employer. Ilan sa mga tinitingnan ng emplyer kada aplikante ay ang score sa skills test at ang haba ng karanasan sa pagtatrabaho.&quot;Higher the score, mas priority ka i-hire. Sa pinag-aralan, kahit high school graduate. Sa experience, mabuti kung mahaba,&quot; ayon kay Sanchez. Mayroon ding basic Korean language test na kailangang ipasa kaya kailangan ding dumaan sa isang language training bago mag-exam. Kapag napili na ng employer, kanya-kanyang ayos ng visa at bili ng tiket sa eroplano. Pero sa kalkulasyon ng POEA, hindi aabot ng P30,000 ang gagastusin ng isang bagong hire. Taon-taon ang pangangailangan ng South Korea, kaya maganda raw na ngayon pa lang ay pinaghahandaan na ang mga requirement.<div>-- Ulat ni Zen Hernandez, ABS-CBN News</div>