Push Admin

50 tricycle drivers na positibo sa rapid test sa Mandaluyong inoobserbahan

Article (news)

ABS-CBN News

<figure class="op-interactive"><iframe height="315" src="https://www.youtube.com/embed/govixlfCMwQ?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Inoobserbahan ngayon sa Mandaluyong City ang 50 tricycle driver matapos lumabas sa rapid test na positibo sila sa coronavirus disease (COVID-19).</p><p>Naka-isolate na ngayon sa Mataas na Paaralang Neptali A. Gonzales ang mga tricycle driver kasama ang 49 na iba pang residente ng lungsod na nagpositibo rin sa rapid test.</p><p>Sa ngayon, hinihintay ang resulta ng kanilang swab test, na magsisilbing kumpirmasyon na nahawahan sila ng naturang sakit, ayon kay Dr. Emily Detaro, isolation officer sa Mandaluyong.</p><p>Ayon kay Jimmy Isidro, chief of staff ng Mandaluyong Mayor’s Office, sinadya nilang gastusan at mamuhunan sa rapid test ng mga tricycle driver para mapanatag ang mga residente.</p><p>Tinatayang nasa 7,000 ang tricycle driver sa lungsod, base sa tala ng Mandaluyong Mayor’s Office.</p><p>Kapag nag-negatibo sa COVID-19, bibigyan ng ID ang driver na magsasaad na negatibo siya sa sakit. Bahagi na raw ito ng new normal sa Mandaluyong.</p><p>“Nakapaskil ito sa loob ng sasakyan nila,” ani Isidro.</p><p>Hindi limitado sa tricycle drivers ang rapid test sa lungsod dahil isasalang din dito ang mga vendor at jeepney driver.</p><p>Nasa 1,000 naman ang bilang ng jeepney drivers sa lungsod habang 2,500 ang vendors, ayon sa tala ng Mandaluyong Mayor’s Office.</p><div><strong>-- Ulat ni Jorge Cariño, ABS-CBN News</strong></div>

<p>Inoobserbahan ngayon sa Mandaluyong City ang 50 tricycle driver matapos lumabas sa rapid test na positibo sila sa coronavirus disease.</p>

Inoobserbahan ngayon sa Mandaluyong City ang 50 tricycle driver matapos lumabas sa rapid test na positibo sila sa coronavirus disease.