Push Admin

NCR mayors nagkasundong luwagan limitasyon sa negosyo, social gatherings

Article (news)

ABS-CBN News

<p>MAYNILA (UPDATE) - Napagkasunduan ng mga alkalde ng National Capital Region na taasan ang kapasidad ng mga negosyo na maaaring buksan, at itaas ang bilang ng mga maaaring dumalo sa social gathering sa Hunyo sa gitna ng mga limitasyon dahil sa COVID-19.</p><p>Kasabay nito ang pagbaba ng kaso ng mga bagong kaso ng COVID-19 sa rehiyon matapos ang pagsirit noong Marso at Abril. </p><p>&quot;Unti-unti but surely po tayo. Bago ito mapag-decide nag-report ang DOH... at napakaganda, bumababa na ang kaso, maganda na ang ICU, hospital beds. Kaya mahirap namang biglain lahat kaya nga we take this with caution,&quot; ani Metropolitan Manila Development Authority Chairman Benhur Abalos.</p><p>Papayagan umano ng Metro Manila Council na itaas sa 50 porsiyentong kapasidad ang puwedeng dumalo sa mga gawain sa simbahan, mula sa dating 30 porsiyento. </p><p>Inirekomenda rin ng samahan na turukan ang lahat ng mga manggagawa sa pag-arangkada ng pagbabakuna sa A4 at A5 category, maliban sa mga naka-work from home. </p><p>Dapat namang maglagay ng expressway para pa rin sa mga nasa A1, A2, at A3. </p><p>Plano ring panatilihin ang curfew hours na alas-10 ng gabi hanggang alas-4 ng madaling araw. </p><p>Ayon kay Abalos, pinaghahandaan na ng mga lokal na pamahalaan ang massive vaccination sa Hunyo. Nag-umpisa ang pagtuturok laban sa COVID-19 sa bansa noong Marso pero limitado pa rin ang bakuna sa ngayon. </p><p>Samantala, umaapela ang grupo ng mga restoran na payagan na ang 50 porsiyentong indoor dining capacity sa pagpapatupad ng general community quarantine. </p><p>Partikular na umano rito ang mga nabakunahang kostumer gaya ng mga senior citizen. </p><p>&quot;I&#x27;ve seen senior citizens cry because they&#x27;re not allowed. Lalapit lang sila sa door there would be a security or police personnel holding a baton telling them they cannot go in,&quot; ani Eric Teng, president ng Resto.PH . </p><p>Inirekomenda naman ng OCTA Research Group na manatili sa general community quarantine with lessened restrictions ang NCR Plus Bubble. </p><p>Para sa grupo, inirerekomenda nilang dagdagan ang mga bilang ng pampublikong sasakyan na namamasada, pero dapat panatilihin ang paghihigpit sa social gatherings. </p><p>Muli namang iginiit ni OCTA Research fellow Guido David na huwag ilagay sa MCGQ ang NCR Plus Bubble. </p><p>&quot;&#x27;Yung MGCQ kasi you know it might be early lalo na konti pa lang &#x27;yung nababakunahan natin, marami tayong nabakunahan na first dose pa lang and then &#x27;yung nature of complacency. &#x27;Pag nag-MGCQ tayo baka dumami ang mga taong mag-party, &#x27;yehey okay na tapos na yung pandemic.&#x27; I mean that could be the impression sa mga general public,&quot; ani David. </p><p>Tiwala naman si David na luluwag na rin ang restriction sa loob ng dalawang buwan dahil parating na ang mas maraming bakuna. </p><p>Ayon sa Malacañang, pinag-aaralan na ngayon ng pandemic task force ang posibleng pagluwag sa quarantine protocols.</p><p>&quot;There is a likelihood that the quarantine classifications might be relaxed on the basis of formula, but subject to the recommendation of the Metro Manila mayors that any further reopening will be gradual,&quot; ani Presidential Spokesperson Harry Roque. </p><p>Pero tingin ng DOH, dapat maghinay-hinay lang. </p><p>&quot;&#x27;Wag naman tayong magluluwag basta-basta, dahil baka mawala &#x27;yung ating mga nakamit na success. So hinay-hinay, binabalanse natin ang kalusugan higit sa lahat at ekonomiya,&quot; ani Health Secretary Francisco Duque III. </p><div><strong>-- May ulat ni Zen Hernandez, ABS-CBN News</strong></div><div><strong>RELATED VIDEO:</strong><br/> </div><figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=1688144" width="100%"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><div> </div>

<p>MAYNILA - Napagkasunduan ng samahan ng mga alkalde ng National Capital Region na taasan ang kapasidad sa ilang negosyo at sa mga social gathering sa Hunyo. </p>

MAYNILA - Napagkasunduan ng samahan ng mga alkalde ng National Capital Region na taasan ang kapasidad sa ilang negosyo at sa mga social gathering sa Hunyo.