Push Admin

Nawawalang Grab driver natagpuang patay sa condo sa Rizal

Article (news)

ABS-CBN News

<figure class="op-interactive"><iframe height="315" src="https://www.youtube.com/embed/D7BtqNOp5eM?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Natagpuang patay sa isang condominium unit sa Cainta, Rizal ang isang babaeng Grab driver na halos isang linggo nang nawawala, sabi ngayong Martes ng pulisya.</p><p>Nahanap noong alas-4 ng hapon ng Linggo ang bangkay ni Maria Cristina Palanca sa ilalim ng lababo sa condominium unit sa Barangay San Andres.</p><p>Ito ay matapos ireklamo ng ibang nakatira sa condominium ang masangsang na amoy na nanggagaling sa unit.</p><p>Lumabas sa imbestigasyon ng pulisya na matapos maghatid ng pasahero noong Huwebes, Mayo 23, mula sa isang mall sa Mandaluyong City papuntang Pasig City, nagtungo si Palanca sa nasabing condominium.</p><p>Nakuhanan ng surveillance camera ang pagbaba ni Palanca sa sasakyan at pagpasok sa gusali nang mag-isa.</p><p>Umakyat si Palanca, anang pulisya, sa unit ng isang Paolo Largado at makalipas ang isang oras ay namataan si Largado na lumabas ng condominium.</p><p>Nawala rin noong Huwebes sa global positioning system ng Grab ang sasakyan ng biktima.</p><p>Pangunahing suspek sa kaso si Largado, na mula noong puntahan ni Palanca ay hindi na nagpakita sa condominium.</p><p>Nanawagan si Police Lt. Col. Alvin Consolacion, hepe ng Cainta police, kay Largado na lumantad at bigyang linaw ang nangyari kay Palanca.</p><p>Nawawala pa rin ang kotseng minamaneho ni Palanca. Inabisuhan na ang Highway Patrol Group ng Rizal province ukol sa sasakyan.</p><div><strong>--Ulat ni Zyann Ambrosio, ABS-CBN News</strong></div>

<p>Natagpuang patay sa isang condominium unit ang isang babaeng Grab driver na halos isang linggo nang nawawala. </p>

Natagpuang patay sa isang condominium unit ang isang babaeng Grab driver na halos isang linggo nang nawawala.