Push Admin

Libreng tutorial, homeschooling handog sa isang barangay sa Laguna

Article (news)

April Rose Magpantay, ABS-CBN News

<div class="embed-wrap"><figure data-feedback="fb:likes,fb:comments"><img src="https://sa.kapamilya.com/absnews/abscbnnews/media/2020/life/05/28/20200528-homeschooling.jpg"/><figcaption>Larawan mula sa Sangguniang Kabataan ng Imok</figcaption></figure></div>Proyektong libreng tutorial at homeschooling para sa mga estudyante ang handog ng Sangguniang Kabataan (SK) ng Barangay Imok, Calaunan, Laguna sa darating na Hunyo.Ayon kay Daven Salustiano, isa sa mga kabataan sa barangay na incoming Grade 6 student, miss na niya ang pagbabalik-eskwela.Para kahit papaano ay makapag-aral pa rin kahit nasa bahay, sinasagutan at binabasa na lang niya ang ilang libro sa kanilang tahanan at nagse-search sa internet.Kaya naman nang malaman na may libreng tutorial service sa kanilang barangay, isa si Salustiano sa mga unang nagpatala para lumahok. “Para po may matutunan po ako tapos &#x27;yung malalaman ko po rito pwede ko rin pong isagot sa teacher ko ‘pag pasukan,” ani Salustiano.Tinawag ang proyektong Eskwelantine o ang libreng tutorial sa mga kinder at elementary students sa kanilang barangay simula Hunyo 7. Ayon sa SK chairman ng barangay na si June Aldrin Gunio, puspusan na ang kanilang paghahanda ng modules at iba pang learning materials para sa naturang proyekto“Ito pong proyekto namin ay nagmula po talaga sa tema na lakbay-aral na kung saan ay isinasagawa po namin dati kada-linggo … Every Sunday po kami mag-iikot sa kada purok dito sa aming barangay,&quot; ani Gunio. &quot;Sa mga hindi po marunong magsulat at magbasa ay meron po kaming ibang araw na inilaan para po amin pong maturuan po. Tapos mamimigay po kami ng mga modules sa mga bata sa mga bahay bahay po,” dagdag pa niya. May mga handog silang mga worksheets na pwedeng kulayan at sagutan ng mga estudyante mula sa mga asignaturang ingles, matematika, siyensya, Filipino at information and communications technology na ituturo nila depende sa edad at baitang ng mga estudyante.Lubos naman ang pasasalamat ng mga magulang sa proyektong ito ng SK.Ayon sa magulang na si Holly Marie Dalisay, nagtatanong na rin kasi ang mga anak nila tungkol sa pasukan kaya para sa kanila isa itong paraan para maipagpatuloy ang pagkatuto ng kanilang mga anak kahit may quarantine.“Tinatanong nila kung kailan daw matatapos yung nangyayari rito sa atin kung kalian magpapasukan … Inaano ko na lang na mag-self study para naman medyo matuto s&#x27;ya. Malaking tulong po sa kanya na maipagpatuloy ang kanyang pag-aaral. Malaking tulong yung ibibigay ng SK dito para sa kanilang kaalaman,” ani Dalisay.Sang-ayon din ang magulang na si Daeveri Salustiano at sinabing malaking tulong para sa kaalaman ng kanyang anak ang proyekto ng SK. “Hindi kasi pwedeng TV, TV lang kasi iba kasi kahit may libro kami sa bahay, iba kasi yung may napapag-aralan … Wala naman kaming ibang pwedeng ipamana, education lang talaga pero dahil nagkaroon ng pandemic, yung COVID no choice kami eh,&quot; ani Salustiano.&quot;Sarado ang school, sarado ang centers, so napaka importante na maging bahagi ng project ng sk yung mga anak naming para madagdagan yung kaalaman nila na hindi kami gumagastos.” Ayon kay Ruel Panergayo, chairman ng barangay Imok, batid nila ang kahalagahan ng edukasyon para sa kanilang kabataan sa lugar.“Ang eskwelahan yata ay parang hindi ko alam kung titigil o by next year na magpapasukan pero sila po ay patuloy na gumagawa ng paraan upang ang mga kabataan ay maabot, makapagpatuloy sa kanilang paglinang sa kanilang mga kakayahan sa pamamagitan ng kanilang pagtuturo po,” ani Panergayo.“Sa akin po kasi napakahalaga na hindi mahinto ang pagkatuto ng bata dahil naniniwala po kami na talagang ang kabataan ang pag-asa ng bayan,” dagdag ni Gunio.Mahahati sa dalawa ang proyekto, Project Bulilit ang para sa pre-elem at grades 1 to 3.Ang Project Techy naman ang handog sa mga grade 4 pataas kung saan tuturuan ng paggamit ng kompyuter ang mga estudyante.

Proyektong libreng tutorial at homeschooling para sa mga estudyante ang handog ng Sangguniang Kabataan (SK) ng Barangay Imok, Calaunan, Laguna sa darating na Hunyo.

Proyektong libreng tutorial at homeschooling para sa mga estudyante ang handog ng Sangguniang Kabataan (SK) ng Barangay Imok, Calaunan, Laguna sa darating na Hunyo.

Libreng tutorial, homeschooling handog sa isang barangay sa Laguna

News

Entertainment

Lifestyle

Sports

Metro.Style

More

Sudoku

Word of the Day

Lotto

Horoscope

News

Libreng tutorial, homeschooling handog sa isang barangay sa Laguna

April Rose Magpantay,

ABS-CBN News

Published May 29, 2020 04:48 AM PHT

Read More:

Tagalog News

Regional News

SK

Barangay Imok

Calaunan

Laguna

school

tutorial

home schooling

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.