Push Admin

TINGNAN: Sari-saring gimik ng mga paaralan para sa 'Brigada Eskwela'

Article (news)

ABS-CBN News

<p>Sari-saring pakulo ang inilunsad ng mga paaralan para mas maging masaya ang pagsasagawa ng &quot;Brigada Eskwela.&quot;</p><div><strong>Misamis Oriental</strong></div><p>Sa Tagoloan, Misamis Oriental, nag-organisa ang Sta. Ana National High School ng mga beauty care service at lecture para sa brigada volunteers.</p><div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2018/news/05/30/brigada-eskwela-1.jpg?ext=.jpg"/><figcaption>Sa Tagoloan, Misamis Oriental, nag-organisa ang Sta. Ana National High School ng mga beauty care service at lecture para sa Brigada Eskwela volunteers. <em>ABS-CBN News</em></figcaption></figure></div><p>Ang mga nanay, mayroong libreng manicure at pagpapaganda habang ang mga estudyante ay mayroong libreng lectures tulad ng personality development workshop at maging sa ibang subject tulad ng math at reading comprehension. </p><p>&quot;Mayroon tayong activities para sa mga kabataan para sa pag-build ng kanilang skills. Merong para sa mathematical skills, gusto rin nating ma-develop ang kanilang communication skills, reading skills, writing skills, and many more,&quot; pagmamalaki ni Marife Balaba, principal ng paaralan. </p><p>Ang nanay na si Blaise Aquiman, lagare sa paglilinis sa Sta. Ana National High School dahil mayroon daw siyang anak na nag-aaral doon.</p><p>&quot;Ginagawa namin ito para hindi na maperwisyo sa paglilinis ang mga anak namin pagdating ng pasukan. Para tuluy-tuloy na ang klase nila,&quot; ani Aquiman.</p><p>Tumulong din ang mga estudyante sa pagpinta ng pader ng eskuwelahan. Ang ibang volunteers umakyat pa sa bubong para linisin ang alulod.</p><div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2018/news/05/30/brigada-eskwela-2.jpg?ext=.jpg"/><figcaption>Tumulong din sa paglilinis maging ang mga miyembro ng Philippine Coast Guard. <em>ABS-CBN News</em></figcaption></figure></div><p>Ang mga miyembro naman ng Philippine Coast Guard (PCG), pumuwesto sa likod ng paaralan para hakutin ang mga gamit na hindi na mapapakinabangan.</p><p>&quot;Para malinis ang surrounding, para sa safety ng mga bata,&quot; ani PCG-Tagoloan sub-station commander Jerome Atilano.</p><p>Ang mga empleyado naman ng munisipyo, nanguna sa paglilinis ng garden at binunot ang mga damo.</p><p>Ang Brigada Eskwela sa Sta. Ana National High School ay tatagal hanggang Sabado, Hunyo 2. </p><div><strong>Dagupan City</strong></div><p>Sa Dagupan City, bukod sa paglilinis ay may iba-iba ring gimik sa mga eskuwelahan para makalikom ng pondong pandagdag sa pagpapaayos sa kanilang mga pasilidad.</p><p>Ginawang kuwela ng Bonuan Boquig National High School ang kanilang Brigada Eskwela dahil nag-set-up sila ng kanilang &quot;Brigada Fair.&quot;<br/>    <br/>Para sa mga gustong tumulong, puwede munang dumaan sa dart booth. Sa halagang P20, may tatlong subok ka para tamaan ang lobo. Depende sa puntos ang reward na school supplies ang iyong maaaring makuha.</p><div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2018/news/05/30/brigada-eskwela-3.jpg?ext=.jpg"/><figcaption>Matapos tumulong sa paglilinis, puwedeng mag-relax sa massage at mani-pedi booth ang mga nanay na nag-volunteer sa Brigada Eskwela. <em>ABS-CBN News</em></figcaption></figure></div><p>Matapos naman tumulong sa paglilinis, puwedeng mag-relax sa massage at mani-pedi booth.</p><p>Ang mga teacher, buena-mano sa paghuhulog ng P5 para makapag-videoke.</p><p>Prayoridad ng Boquig National High School na magkaroon ng maayos na gusali ang sports program ng senior high school.</p><p>Ayon sa Department of Education, may kaniya-kanyang fundraising activity ang 39 paaralan sa Dagupan City, kung saan 90,000 bata ang naka-enroll.</p><div><strong>--Ulat nina Rod Bolivar at Michelle Soriano, ABS-CBN News</strong><br/> </div>

<p>Sari-saring pakulo ang inilunsad ng mga paaralan para mas maging masaya ang pagsasagawa ng "Brigada Eskwela."</p>

Sari-saring pakulo ang inilunsad ng mga paaralan para mas maging masaya ang pagsasagawa ng "Brigada Eskwela."