Push Admin

CHED dumepensa sa isyu ng Filipino, Panitikan sa kolehiyo

Article (news)

ABS-CBN News

<figure class="op-interactive"><iframe src="https://www.youtube.com/embed/HXx80gN4t14?enablejsapi=1"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div>Iginiit ng Commission on Higher Education na hindi &quot;anti-Filipino&quot; ang kanilang memorandum order na nagtatanggal sa Filipino at Panitikan bilang core subjects sa kolehiyo.Matatandaang ibinasura ng Korte Suprema ang apela ng grupong Tanggol Wika kontra sa CHED Memorandum 20, na nag-aatas na hindi na requirement sa kolehiyo ang pagkuha ng naturang subjects – na binatikos sa umano’y pagiging anti-Filipino nito.<ul class="op-related-articles">	<li><a href="https://news.abs-cbn.com/news/05/30/19/scuffle-breaks-out-between-police-youth-activists-at-ched-gate">Scuffle breaks out between police, youth activists at CHED gate</a></li></ul>Pero pinabulaanan ni CHED Chairman Prospero De Vera sa isang pahayag ang mga paratang. Tingin niya na dapat ina-apply sa pagtuturo at hindi ginagawang asignatura ang wikang Filipino.&quot;To be properly cultivated, Filipino cannot merely be taught as a subject, but must be used in oral and written forms, across academic domains,” dagdag niya.Nilinaw din niya na ililipat lang sa Senior High School (SHS) ang pag-aaral ng Filipino at Panitikan.“These were transferred to the Senior High School level since these are important building blocks in the preparation of senior high students to be university-ready when they graduate,” aniya.Malaya pa rin aniya ang mga unibersidad at kolehiyo na i-require ang mga Filipino subjects sa ibang curriculum.Pero nanindigan ang propesor ng University of the Philippines na si Vim Nadera na dapat pa rin itong ituro lalo’t nananatili umanong hirap sa pagsasalita ng pambansang wika ang mga Pilipino.&quot;Ang ibang mga bata nga na nag-aaral sa mga maka-Ingles na paaralan sa Kinder ay hindi marunong mag-Filipino. Kaya kumbaga ito na lang ang pagkakataon nila. Ang pag-asa na lang kumbaga natin ay sa kolehiyo,&quot; ani Nadera, na isa ring manunulat.Sang-ayon dito ang estudyanteng si Glenn Santos.&quot;Paano po natin mapo-promote iyung nationalism kung matatanggal po &#x27;yung [Filipino as a core subject]?&quot; ani Santos.Para sa estudyanteng si Antonio Castino, maaaring limitado lang ang paggamit sa matututunan sa Filipino dahil sa kukuning kurso.&quot;Kunyari ako, gusto kong maging architect. More on Math, buildings... Madalang lang magamit ang matututunan sa Filipino,&quot; aniya.Para naman sa Department Of Education, hindi dapat hayaang bumaba ang kalidad ng wikang pambansa.Sinisiguro umano nila na magiging matatag ang pundasyon ng wikang Filipino sa mga estudyante para madali na itong maitaguyod sa kanilang paglaki.&quot;Hitik sa Filipino ang ating kurikulum. Elementarya pa lang, kahit as early as Grade 1 pa lang may pananaliksik na na nangyayari hanggang sa pumunta sa senior high school,&quot; ani Jocelyn Andaya, director ng Bureau of Curriculum Development ng DepEd.Sa kabila ng desisyon ng korte, muling maghahain ng mosyon ang Tanggol Wika para tutulan ang pag-aalis ng Filipino at Panitikan bilang core subjects sa kolehiyo.<ul class="op-related-articles">	<li><a href="https://news.abs-cbn.com/news/05/27/19/pag-alis-sa-filipino-panitikan-sa-kolehiyo-muling-iaapela">Pag-alis sa Filipino, panitikan sa kolehiyo muling iaapela</a></li></ul><div>-- Ulat ni Bianca Dava, ABS-CBN News</div>

Tingin ng CHED na dapat ina-apply at hindi ginagawang asignatura na itinuturo ang wikang Filipino.

Tingin ng CHED na dapat ina-apply at hindi ginagawang asignatura na itinuturo ang wikang Filipino.