Push Admin

Linis kuko, ayos kilay, facial, bawal pa rin sa pagbabalik-operasyon ng salons

Article (news)

ABS-CBN News

MAYNILA - Bahagya mang magbabalik-operasyon ang mga beauty parlor at mga barber shop sa pagpasok ng ilang parte ng bansa sa general community quarantine sa Lunes, hanggang pagpapagupit lang muna ang mga serbisyong papayagan dito.Ayon kay Presidential Spokesperson Harry Roque nitong Sabado, bawal pa rin ang pagpapalinis ng kuko, facial, at iba pang serbisyo gaya ng pagpapaayos ng kilay kahit mas maluwag na ang quarantine.&quot;Huwag po kayo masyadong ma-excite dahil limitado po ang mga barbero at mga salon sa paggugupit. Wala pa ring facial, wala pa ring sa kuko, wala pa ring pagtanggal ng mga…eyebrows. Hanggang gupit lang tayo,” ani Roque.Sa ilalim ng Resolution No. 41 ng Inter-agency Task Force on COVID-19 response, magbabalik-operasyon ang mga parlor at mga barber shop simula Hunyo 7 pero hanggang 30 porsiyentong kapasidad lang ang maaaring pumasok dito.Matapos ang dalawang linggo, maaari nang magbalik-operasyon sa 50 percent capacity ang mga ito.Sa malaking bahagi ng bansa na sasailalim sa modified general community quarantine, maaaring ipatakbo ang salons sa 50 percent capacity.At makalipas ang tatlong linggo, puwede na ang 100 percent operational capacity.Nauna nang nanawagan ang mga grupo ng mga salon na payagan silang magbalik-operasyon.<ul class="op-related-articles">	<li><a href="https://news.abs-cbn.com/news/05/22/20/ppe-para-sa-mga-parlorista-bawal-chikahan-salons-naglatag-ng-plano-sakaling-buksan-sa-new-normal">&#x27;PPE para sa mga parlorista, bawal chikahan&#x27;: Salons naglatag ng plano sakaling buksan sa &#x27;new normal&#x27;</a></li></ul><div>PAGHAHANDA</div>Samantala, naghahanda na ang mga barberya at salon, partikular na ang mga nasa Quezon City, sa pagpasok sa general community quarantine sa lunes.Sa isang barber shop sa Quezon City, pinipinturahan at sinesementuhan na ang mga magkakadikit dati na upuan.Ayon kay Minerva Castillo, may-ari ng barber shop, kasya sana ang 10 katao sa loob pero isa-isa lang ang pagpapapasok nila sa mga magpapagupit para masundan ang physical distancing protocols.“One-by-one lang po at kailangan may face mask din siya, siguro isa, dalawa lang puwede, may distancing siya,” ani Castillo.Binago naman ni Rene Lao, may-ari ng salon sa bahagi ng EDSA, ang disenyo sa loob ng salon para mapaghandaan ang general quarantine.Kaakibat nito ang pagkabit ng plastic covers sa pagitan ng mga upuan. Magpapatupad din sila ng “no face mask, no entry” policy.Ngayong may protective shields ang mga empleyado, mapipilitan umano si Lao na magtaas-presyo nang bahagya.&quot;The mandatory is the PPE (personal protective equipment). Naka-PPE sila, may facial mask, at the same time may face shield, using the face shield lahat kami sa salon,&quot; ani Lao.Ang journalist na si John Sinocruz, gusto nang pumunta sa barberya at sinigurong mauuna sa pila para magpabawas sa buhok.“Talaga namang excited na magpagupit na alam mo naman simula ang lockdown hindi na natin magawang magpagupit dahil wala namang mga barbero, walang parlor, salon kasi bawal sa enhanced community quarantine,” ani Sinocruz.Agam-agam naman ng photojournalist na si Boy Santos na masyado nang mahal ang singil sa salon dahil gustong makabawi pagkatapos ng lockdown.Kaya ang ginawa niya, nagpatina na lang ng buhok sa katrabaho.&quot;Mas nakakatipid ako kasi ang parlor definitely magdo-doble ng singil sa gupit sa pakulay kasi gusto nila agad bumawi sa tagal na hindi kumita kasi kagagalilng ko lang sa parlor nagtanong ako magpapagupit sana, ang singil sa akin P300 ang itinaas, hindi lang doble, triple pa ang itinaas,” ani Santos.<div>— May ulat ni Henry Atuelan, ABS-CBN News</div>

MAYNILA - Bahagya mang magbabalik-operasyon ang mga beauty parlor at mga barber shop sa pagpasok ng ilang parte ng bansa sa general quarantine, nilinaw ng gobyerno na paggupit lang muna ang puwede sa ngayon.

MAYNILA - Bahagya mang magbabalik-operasyon ang mga beauty parlor at mga barber shop sa pagpasok ng ilang parte ng bansa sa general quarantine, nilinaw ng gobyerno na paggupit lang muna ang puwede sa ngayon.