Push Admin

Mga manggagawa, maagang sumakay ng MRT, LRT para makapasok

Article (news)

ABS-CBN News

<figure class="op-interactive"><iframe src="https://www.youtube.com/embed/jOIv6dK1rTY?enablejsapi=1"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div>Nagbaon ng extrang damit, alcohol, at face mask ang 27 anyos na research and development analyst na si Cristofer Alhambra sa unang araw ng kaniyang balik-trabaho ngayong Lunes.Alas-4 pa lang ng madaling araw, umalis na si Alhambra sa kaniyang bahay sa Caloocan City papunta sa pinagtatrabahuhang manufacturing firm sa Pasay. Alas-7 ng umaga ang kaniyang time-in.Ngayong Lunes lang ulit papasok si Alhambra matapos ang higit 2 buwang lockdown, na ipinatupad para makontrol ang pagkalat ng COVID-19. Isinailalim na rin kasi ang Metro Manila sa mas maluwag na general community quarantine.“Kailangan pong gumising talaga ng maaga araw-araw since mag-uuwian ako, back and forth, para iwas-tao na din,” ani Alhambra.“The more na tanghaliin ka, the more na maraming tao for sure, kasi lahat nagbabalikan na sa trabaho,” aniya.Dahil wala pang mga jeep o bus, 2 kilometro ang inasahang lakarin ni Alhambra papuntang istasyon ng LRT-1.Pag-commute lang ang tanging paraan niya para pumasok—maliit umanong sakripisyo para sa pamilya.Nakarating si Alhambra sa istasyon sa pamamagitan ng tricycle, na biglang dumaan at isinakay siya kapalit ng P20.Hindi pa nagbubukas ang 5th Avenue station ng LRT-1 noong alas-4:30 ng umaga, isa na si Alhambra sa dosenang tao na nakapila sa labas.Maluwag naman ang LRT pagsakay ni Alhramba.Mahigpit ang paglimita ng LRT sa bilang ng mga sumasakay at pagtiyak na walang may mataas na temperaturang papasok sa mga istasyon.Pasado alas-5 ng madaling araw nakarating si Alhramba sa Gil Puyat station sa Pasay, ilang metrong lakad na lang papunta sa kaniyang opisina.“Siguro, sana hopefully sa mga susunod na araw ganun din sumusunod ang mga tao, sana umayos na ang sitwasyon,” aniya.Bago naman ang unang biyahe ng MRT-3 sa North Avenue Station, umabot na rin ng ilang paikot sa baba ng platform ang pila ng mga sasakay.Paulit-ulit na nagpaalala ang mga guwardiya na sundin ang mga dilaw na marka para sa physical distancing. Bago nagpaakyat, sinilip muna ng mga guwardiya ang temperatura ng mga pasahero. Isa sa mga pumila ang construction worker na si Allan Barrugo, na bitbit ang kaniyang mga damit para mag-stay-in sa kanilang site sa Makati.Dalawampu’t apat na pasahero lang ang pinapapasok ng platform. Bago umabot doon, may footbath pa at inspeksiyon ng gamit.Hindi gaya ng inasahan, walang naging mahabang pila ng tao hanggang sa kalsada, tulad ng nakasanay sa rush hour bago nagka-pandemic.Walang masakyan ang ibang biyahero papunta sa train stations pero tinulungan sila ng mga nagpapasakay nang libre. Halimbawa rito ang construction workers na sina Dindo Murilla at Louie Seco, na nabawasan ang lakarin dahil sa tumigil na bus.“Mahalaga sa’min [makapasok na] kasi matagal na kami nabakante,” ani Seco.May ibang tulad ni Elma Moviles na pinasakay naman ng dump truck.Ayon sa pamunuan ng MRT, hindi rin napuno nitong umaga ng Lunes ang 153 pasahero na kapasidad ng bawat biyahe ng train set.Maging ang mga point-to-point (P2P) buses na nakaabang sa labas ng North Avenue Station ay kaunti lang ang sumakay.“TIla hindi pa po handa ang mga kababayan natin bumiyahe. Ang expected natin magagamit po lahat ng mga buses for MRT augmentation,” ani Metropolitan Manila Development Authority Spokesperson Celine Pialago.Noong madaling araw din ng Lunes, dinagsa ng mga maagang naghahanap ng biyahe ang Commonwealth Avenue sa Quezon City.Umabot sa libo-libo ang bilang ng mga commuter na nakaabang sa Commonwealth. Ang ilan ay nag-unahan sa kakaunting P2P bus na dumaan.Karamihan naman sa mga dumadaan ay mga pribadong saskayan kaya ang ibang commuter ay naglakad na lang ulit.Hiniling ng mga manggagawa na sa pagbabalik nila sa hanapbuhay simula Lunes, matugunan din ang kawalan ng masaskayan para hindi na nila ito dagdag-pasanin ngayong panahon ng pandemya. -- May ulat ni Jervis Manahan, ABS-CBN News

Sa unang araw ng general community quarantine sa Metro Manila, maagang bumiyahe ang maraming nagtatrabaho para makaiwas sa inasahang matinding trapiko.

Sa unang araw ng general community quarantine sa Metro Manila, maagang bumiyahe ang maraming nagtatrabaho para makaiwas sa inasahang matinding trapiko.