Push Admin

Bakit hindi pa tuluyang nababawi ang Marawi?

Article (news)

ABS-CBN News

<figure class="op-interactive"><iframe width="560" height="315" src="https://www.youtube.com/embed/B7raZa5EeKk" frameBorder="0" allowfullscreen=""></iframe></figure>Mainit pa rin ang digmaan sa Marawi City sa araw kung kailan sinabi ng Armed Forces ay matatapos na ito. Tila dumarami rin ang mga teroristang nakasasagupa ng mga sundalo, ayon sa kanilang kuwento. Natanggal naman sa puwesto ang brigade commander ng militar sa Lanao del Sur. Kagulat-gulat kung gaano kahusay ang ipinakikitang kahandaan ng grupong Maute para sa labanan sa Marawi, ayon sa mga sundalo mula sa frontline. Natatagalan din ang militar sa pagbawi sa lungsod dahil ang kanilang puwersa ang naghahanap at naghahabol pa ng puwesto. Halos magula-gulanit na ang makapal na bakal ng isang tangke ng militar. Sa parehong tangke, isinusulat ng mga sundalo ang kanilang mga dasal. Tatlumpu&#x27;t anim na sundalo na ang namatay, at 117 sundalo na ang lumalabas na sugatan. Bahagyang ikinuwento ng isang sundalo ang dahilan nito, base sa kanilang karanasan sa loob. &quot;Lumalaban pa rin sila. Parang dumadami pa sila. Saka &#x27;yung labanan namin, dikitan. Nagsisindakan kami galing sa magkatabing building. May stock din sila ng bala doon,&quot; kuwento ng sundalo. Tila matagal ding pinagplanuhan ng grupong Maute ang pananalakay nila. May mga running trenches sa paligid ng mga bahay at may butas pa sa pader ng mga gusali upang madaling lumusot-lusot ang mga terorista. Ayon sa mga source ng ABS-CBN, Matagal nang alam ng intelligence community na may pinaplano ang grupong Maute sa Marawi. Sa kabila nito, natuloy pa rin ang gulo. Nananatili pa ring kontrolado ng mga terorista ang 10 porsiyento ng Marawi, pag-amin ni AFP spokesman Brigadier General Restituto Padilla.<div>Brigade commander ng militar sa Lanao del Sur, sinibak dahil sa pagkukulang</div>Tinanggal na rin sa puwesto si Brigadier General Nixon Fortes, ang brigade commander ng 103rd Infantry Brigade, ang unit ng militar na nagbabantay sa Lanao del Sur at Marawi. Nagkaroon ng pagkukulang sa paggamit ng intelligence na nakukuha ng militar kaya sinibak ang nasabing commander, ayon sa isang mataas na opisyal ng AFP. Hindi rin aniya naging maagap ang pagtugon noong pumutok na ang gulo. Tikom naman ang bibig ng 1st Infantry Division ukol dito. Samantala, patuloy namang dumarating ang mga karagdagang tropa, gamit, at assets sa Marawi, kaya lalong lumalakas ang loob ng mga tropang makikita na rin nila ang katapusan nito. <div>-- Ulat nina Chiara Zambrano, ABS-CBN News</div>

Mainit pa rin ang digmaan sa Marawi City sa araw ng deadline na ibinigay ng Armed Forces para tapusin ito, at tila dumarami pa ang mga teroristang nakasasagupa ng mga sundalo.

Mainit pa rin ang digmaan sa Marawi City sa araw ng deadline na ibinigay ng Armed Forces para tapusin ito, at tila dumarami pa ang mga teroristang nakasasagupa ng mga sundalo.