Push Admin

Mga kakilala ng 'Resorts' gunman, 'di makapaniwala

Article (news)

ABS-CBN News

<figure class="op-interactive"><iframe allowfullscreen="" frameBorder="0" height="315" src="https://www.youtube.com/embed/v2MpDgoQsno" width="560"></iframe></figure>Ikinagulat ng mga kapitbahay ni Jessie Carlos sa Sta. Cruz, Maynila, nang isapubliko na ng pulisya ang mga kuha ng CCTV sa Resorts World Manila (RWM) noong Biyernes, Hunyo 2.Hindi inakala ng kanilang barangay chairman na si Carlos pala ang lumusob sa hotel-casino.Halos 10 taon nang nakatira si Carlos sa lugar, pero wala naman daw napansin ang barangay chairman na pagbabago sa ugali ni Carlos. Pero nitong mga nakaraang linggo, hindi na raw regular na umuuwi roon si Carlos.Nagbitiw naman sa trabaho kamakailan si Marben Sta. Rosa, 9 na taong family driver ng mag-anak ni Carlos. Kuwento niya, naaapektuhan na siya sa dalas ng pag-aaway ng mag-asawang Carlos dahil sa pagsusugal ng suspek. Sa Tondo, Maynila kung saan lumaki si Carlos, kahapon lang din nalaman ng mga kaanak at kaibigan niya ang masaklap na balita. Hindi rin daw nila batid na lulong na sa sugal ang biktima. Pagsasalarawan pa ng kumpare ng suspek, mabait si Carlos, kaya sobra niyang ikinabigla ang kaniyang pag-aamok. Samantala, isang umano&#x27;y <a href="http://news.abs-cbn.com/news/06/05/17/bahay-ng-resorts-world-gunman-may-umanoy-daycare-center">daycare</a> center ang natagpuan ng ABS-CBN News sa pagbisita Lunes sa bahay ni Carlos. Gayunman, sinabi ng mga kapitbahay ni Carlos na walang estudyanteng pumasok kailanman sa daycare center mula nang itayo ito nasa 3 taon na ang nakaraan. Dating tax specialist si Carlos ng Department of Finance, pero sinipa sa trabaho noong 2012 dahil sa hindi umano maipalawanag ang mahigit ₱9 milyong naipon niya sa loob ng 10 taon.Ayon sa desisyon ng court of appeals noong 2015, mga kasong grave misconduct at gross negligence ang isinampa sa kaniya ng Ombudsman noong 2012. Nabanggit sa nasabing desisyon ang gun store business ng asawa ni Carlos na hindi idineklara ni Carlos sa kaniyang Statement of Assets, Liabilities, and Net worth (SALN). Hindi umano maipaliwanag ni Carlos na sapat ang kanilang kinikita para makapag-operate ng gun store at bumili ng mga ari-arian. Pero sa counter-affidavit ni Carlos, ipinaliwanga niya na hindi idineklara ang gun store dahil wala pa raw ito sa operasyon noong mga panahong iyon.Sa imbestigasyon din ng DOF, may mga nakitang kaduda-dudang utang mula 2008 hanggang 2010 si Carlos para ipakita ang paglaki ng kaniyang assets. Depensa noon ni Carlos, in good faith, o walang intensiyong magsinungaling, ang mga detalyeng inilagay niya sa kaniyang SALN at hindi siya nabigyan ng pagkakataong maitama ang mga umano&#x27;y pagkakamali niya.Wala pang impormasyong kung inimbestigahan din ng DOF si Carlos kaugnay sa kaniyang pagsusugal.Sa ilalim ng Memorandum Circular No. 8, serye ng 2001 na inilabas ng Malacañang, mahigpit na ipinagbabawal ang mga kawani ng gobyerno sa loob ng mga pasugalan tulad ng casino.<div>-- Ulat ni Jerome Lantin, ABS-CBN News</div>

Sa Tondo, Maynila kung saan lumaki si Jessie Carlos, kahapon lang din nalaman ng mga kaanak at kaibigan niya ang masaklap na balita. Hindi rin daw nila batid na lulong na sa sugal ang biktima.

Sa Tondo, Maynila kung saan lumaki si Jessie Carlos, kahapon lang din nalaman ng mga kaanak at kaibigan niya ang masaklap na balita. Hindi rin daw nila batid na lulong na sa sugal ang biktima.