Push Admin

MMDA: 'No window hours' at truck ban, tuloy-tuloy pa rin

Article (news)

ABS-CBN News

<figure class="op-interactive"><iframe allowfullscreen="" frameBorder="0" height="315" src="https://www.youtube.com/embed/TMGnvAMM2BA" width="560"></iframe></figure><p>Mahigpit ngayon ang mandato ng bagong-upong Metropolitan Manila Development Authority (MMDA) Chairman na si Danny Lim. Bukod sa maibsan ang masikip na trapiko, wala rin daw siyang prenong maninibak ng traffic enforcers na barumbado o kaya&#x27;y nangongotong.</p><p>Ayon sa officer in charge for operations ng MMDA, ipagpapatuloy ng ahensiya sa ilalim ng bagong pamunuan nito ang &#x27;no window hours&#x27; ng number coding scheme, pati na ang ipinatutupad na iskedyul ng &#x27;truck ban&#x27; at maging ang pagdaan ng &#x27;light trucks&#x27; sa EDSA. </p><p>Base sa nakalap na datos ng ahensiya, naging epektibo ang mga nabanggit na polisiya sa pagpapaluwag ng trapiko sa Kamaynilaan.</p><p>Isusulong naman ni Lim ang mas mataas na multa para sa mga paglabag sa batas pantrapiko. Lahat aniya ng gagawin niyang reporma sa MMDA, gaya ng &#x27;unified ticketing system&#x27; at panuntunan kontra illegal parking, kailangang dumaan din muna sa Metro Manila Council o 17 mayor ng mga siyudad na sakop ng EDSA.</p><div><b>Barumbado, nangongotong na enforcers, sisipain</b></div><p>Buena manong nasabon ni Lim, isang retiradong militar, ang dalawang traffic enforcers na magka-angkas sa motorsiklong bumibiyahe sa Roxas Boulevard. Kapwa walang helmet kasi ang enforcers.</p><p>Babala ni Lim, lalo na sa mga tauhang makukunan ng video habang salaula sa trabaho, walang pali-paliwanag dahil sibak agad sa serbisyo.</p><p>Tututukan din daw ng kaniyang liderato ang pagsasala sa enforcers na hindi kwalipikado o kaya&#x27;y wala talagang kaalaman sa pagmamando ng trapiko.</p><p>Pinapaayos na rin niya kay MMDA General Manager Tim Orbos ang sahod at benepisyo ng mga empleyado para na rin mahikayat ang mga aplikante na magtrabaho sa ahensiya.</p><p>Sinisilip din ni Lim pati ang mga kaduda-dudang kontrata, kahit iyon ay dumaan pa sa mga nakaraang administrasyon ng MMDA. Tumanggi muna siyang pangalanan ang mga iniimbestigahan.</p><div><b>--Ulat ni Doris Bigornia, ABS-CBN News</b></div>

<p>Posibleng maging permanente na ang no window hours, expanded number coding traffic scheme ng Metro Manila Development Authority (MMDA).</p><p> </p>

Posibleng maging permanente na ang no window hours, expanded number coding traffic scheme ng Metro Manila Development Authority (MMDA).