Push Admin

Pera sa bangko, na-'dagdag-bawas'; Sanhi ng problema, naayos na

Article (news)

ABS-CBN News

<p>* Mga depositor nagreklamo na nabawasan ang pera sa bank accounts; may ilang nadagdagan<br/>* Bangko agad nagsabi: Data glitch ito <br/>* Paniniguro ng bangko: Walang mawawalan ng pera <br/>* Abiso ng bangko alas-10 ng gabi: naayos na ang problema </p><div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2017/news/06/07/060717_bpi4.jpg"/><figcaption><div class="embed-desc">Nakikipag-usap ang isang opisyal ng BPI sa Panay Avenue sa mga nagrereklamong kliyente ukol sa kanilang pera sa kanilang bank accounts. <cite>Fernando G. Sepe Jr., ABS-CBN News. Hunyo 7, 2017</cite></div></figcaption></figure></div><p>Nagulantang ang mga may account sa Bank of the Philippine Islands (BPI) Miyerkoles ng umaga sa nadiskubreng nawalang pera at ilang transaksiyon na hindi sila ang gumawa. </p><p>Agad namang umaksiyon ang BPI at siniguro na walang kostumer na mawawalan ng pondo sa kanilang account. </p><p>Sa pahayag na inilabas alas-10 ng gabi, sinabi ng BPI na naayos na nito ang problema, at maaari nang magamit ang mga ATM. </p><div><iframe allowtransparency="true" frameBorder="0" height="230" scrolling="no" src="https://www.facebook.com/plugins/post.php?href=https%3A%2F%2Fwww.facebook.com%2Fbpi%2Fposts%2F1438211016225066&amp;width=500" style="border:none;overflow:hidden" width="500"></iframe></div><p>Nitong Miyerkoles ng umaga ay sinabi ng BPI na nagkaroon umano ng &#x27;internal data processing error&#x27; kaya maaaring nadoble ang nabawas na pera sa account ng mga parokyano ng kanilang bangko. </p><p>Kung nakipagtransaksiyon umano sa BPI noong Abril 27 hanggang Mayo 2, maaaring doble ang naitala sa transaksiyon. Maaaring doble ang na-debit o na-credit sa account ng kliyente, ayon kay BPI President Cezar Consing. </p><p>Humingi ang bangko ng paumanhin sa abalang idinulot ng insidente. </p><script async="" src="http://platform.twitter.com/widgets.js" charSet="utf-8" type="text/javascript"></script><p>Sinuspinde ang pag-login sa online channels ng BPI simula Miyerkoles ng umaga, ngunit patuloy na nagbigay ng serbisyo ang bangko. </p><p>Agad maitatama ang mga ulat ng &#x27;unauthorized transaction&#x27;, ayon kay Bangko Sentral ng Pilipinas (BSP) Inclusive Finance and Financial Consumer Protection Head Pia Roman Tayag.</p><p>&quot;They (BPI) assured us na within the day, maaayos ito. No customer&#x27;s fund will be lost,&quot; aniya.</p><div><strong>Libong pera, awtomatikong nabawas, nadagdag</strong></div><p>Marami ang nagreklamo sa biglaang pagbawas sa pera sa kanilang mga bank account, pero may ilang mga kliyente namang nakaranas na nadagdagan ang kanilang account dahil dumoble naman ang kanilang mga transaksiyon. </p><p>Nawalan ng P12,000 si Kim Avelino, isang human resource officer sa Ortigas, dahil umano sa isang &#x27;automatic debit&#x27;.</p><p>Samantala, nabawasan ng P5,000 ang kanyang kasamahan sa trabaho kahit na ang ini-withdraw lamang nito ay P2,000. </p><p>Wala namang natira sa account ng iba, ayon sa ulat ng iba pa niyang ka-opisina. </p><blockquote class="twitter-tweet" data-lang="en"><p dir="ltr" lang="en">LOOK: BPI account shows negative balance even when no withdrawal transaction was made. | <a href="https://twitter.com/ABSCBNNews">@ABSCBNNews</a> <a href="https://twitter.com/ANCALERTS">@ANCALERTS</a> <a href="https://t.co/hxbxHb5ls6">pic.twitter.com/hxbxHb5ls6</a></p>— Kat Domingo (@_katrinadomingo) <a href="https://twitter.com/_katrinadomingo/status/872243510589534208">June 7, 2017</a></blockquote><script async="" src="https://platform.twitter.com/widgets.js" charSet="utf-8" type="text/javascript"></script><div><strong>&#x27;Walang kostumer na mawawalan ng pondo&#x27;</strong></div><p>Itinanggi rin ng BSP ang mga haka-haka na online hackers ang nasa likod ng insidente.</p><figure class="op-interactive"><iframe allowfullscreen="" frameBorder="0" height="315" src="https://www.youtube.com/embed/p1fcnyeJiHk" width="560"></iframe><div> </div></figure><p>&quot;Hindi po ito na-hack. May mga natatatakot po kasi na ito ay hack daw po -- ito ang umiikot na balita sa social media. Para to make it clear at hindi rin po matakot, nakita agad ng BPI ang they are correcting it immediately po,&quot; ayon kay Tayag.</p><div><strong>Mga dapat gawin kung apektado ng insidente</strong></div><p>Dahil sa insidente, pinalawig ang operasyon hanggang alas-7:30 ng gabi para sa lahat ng BPI at BPI Family Savings Bank branches sa buong bansa.</p><p>Sa pinakahuling abiso ng BPI, naayos na ang lahat ng &#x27;internal systems error&#x27; na may kinalaman sa mga nagrehistrong maling transaksiyon. Naibalik na rin daw ang access sa mga ATM.</p><p>Paalala ng BPI, kung nadagdagan ang pera sa account, huwag itong galawin, dahil hihilingin ng bangko na ibalik ito. </p><p>Ipinapayo rin ng pamunuan ng bangko na huwag i-post sa social media ang mga detalye ng bank account, dahil posibleng ma-expose pa sa identity theft o hacking ang user. </p><p>Huwag ding sasagot sa mga e-mail na nanghihingi ng personal na impormasyon. </p><p>Ayon kay BPI Senior Vice President Cathy Santamaria, hindi kailangang magbigay ng kahit anong personal na impormasyon ang mga kliyente ng BPI upang maresolba ang insidente. Huwag ding magbigay ng mga impormasyon lalo na kung kailangan daw itong ilagay sa iba pang website na nakalagay o naka-link sa e-mail. </p><p>Pinakamaigi raw na tawagan o puntahan ang bangko para linawin ang pagbabago sa balanse.</p><p>Hinihimok ang mga may katanungan na makipag-ugnayan lamang sa CBGCustomerCareDepartment@bpi.com.ph</p><div><strong>-- May ulat nina Jacque Manabat at Katrina Domingo, ABS-CBN News</strong></div>

<p>Nagulantang ang mga may account sa Bank of the Philippine Islands (BPI) Miyerkoles ng umaga sa nadiskubreng nawalang pera at ilang transaksiyon na hindi sila ang gumawa. </p>

Nagulantang ang mga may account sa Bank of the Philippine Islands (BPI) Miyerkoles ng umaga sa nadiskubreng nawalang pera at ilang transaksiyon na hindi sila ang gumawa.