Push Admin

Nurse na nagbigay ng bakuna sa mga bata sa Albay, nagpositibo sa COVID-19

Article (news)

ABS-CBN News

Nagpapatuloy ang contact tracing ng lokal na pamahalaan ng Oas, Albay matapos na magpositibo sa coronavirus disease (COVID-19) ang isang nurse na nagbigay ng bakuna sa ilang bata sa nasabing lugar.Ayon kay Oas Mayor Domingo Escoto, nagsagawa ng immunization sa mga bata at checkup sa mga buntis sa isang barangay ang nurse noong Hunyo 3 hanggang 5. Dahil sa bagong kaso ng COVID-19, sarado rin muna ang municipal health office ng bayan.Lahat ng nasa mahigit 30 kawani nito ay naka-home quarantine matapos ma-expose sa kasamahang nurse. Ito ay si Bicol number 78 na nalaman ang resulta ng swab test na positibo siya sa COVID-19 noong Martes.Dahil sarado ang Rural Health Unit, inire-refer muna sa Josefina Belmonte Duran Hospital ang mga magpapa-checkup na residente.Sa Barangay Busac kung saan nagsagawa ng immunization at check-up sa loob nang tatlong araw, nasa 39 ang close contact nito. Kabilang dito ang 14 na mga bata na binakunahan, mga nanay nito, 2 barangay kagawad at 3 barangay health workers.Dahil walang barangay health workers, ang mga barangay nutrition scholars at barangay tanod ang nagmo-monitor ngayon sa mga naka-home quarantine.Ayon sa punong barangay ng Busac na si Raul Sergio, tuloy naman ang monitoring nila sa mga naka-home quarantine.Pakiusap lang nila sa mga residente na sumunod sa abiso ng lokal na pamahalaan at iwasan muna ang paglabas ng kanilang mga bahay kung wala namang importanteng gagawin sa labas. Nag-disinfect na sa barangay kahapon pero ang ibang residente lalo na ang mga malapit sa barangay hall hindi maiwasan na mangamba.Naka-lock down na rin ang bahagi ng Barangay Balogo, Oas kung saan nakatira ang nurse.Labing anim ang minomonitor dito na close contact ng nurse na lahat kamag-anak nito.Nag-contact tracing din ang munisipyo sa malayong barangay ng Cagmanaba, Oas dahil noong weekend, nag-swimming ang nurse at pamilya nito sa isang resort doon.Maging ang Sangguniang Bayan, hindi makapag-session ngayon dahil naka-home quarantine din ang buong konseho dahil municipal councilor ang partner ng nurse.Asymptomatic ang nurse na naka-confine na ngayon sa Bicol Regional Training and Teaching Hospital. Duda ni Mayor Escoto, nakuha nito ang sakit sa mga nakasalamuhang mga biyahero.Hinihintay na lang ng munisipyo ang magsasagawa ng swab test sa mga close contact ng nurse. May rapid test kits naman ang munisipyo. Hiling ni Mayor Escoto, mapadalhan sila ng health personnel na tutulong sa rapid testing at pansamantalang tatao sa Rural Health Unit habang naka-quarantine pa ang mga kawani nito. <div>- Ulat ni Jose Carretero, ABS-CBN News</div>

Nag-contact tracing din ang munisipyo sa malayong barangay ng Cagmanaba, Oas dahil noong week-end nag-swimming ang nurse at pamilya nito sa isang resort doon.

Nag-contact tracing din ang munisipyo sa malayong barangay ng Cagmanaba, Oas dahil noong week-end nag-swimming ang nurse at pamilya nito sa isang resort doon.