Push Admin

Iba’t ibang ibon, nakumpiska sa Palawan; mga umano’y ilegal na trader, timbog

Article (news)

Diana Lat, ABS-CBN News

QUEZON, Palawan—Nasabat ng Palawan Council for Sustainable Development (PCSD) at Philippine National Police (PNP) Maritime ang 35 kiyaw at 12 pikoy sa tahanan ng 2 lalaki sa Sitio Marirong, Barangay Malatgao sa bayang it pasado 7 a.m. noong Lunes.Kinilala ang mga lalaki na sina Ariel Bustamante, 34, at Ariel Rapana, 24.&quot;Ang nangyaring operation po ay isang intel driven operation po ng Second Special Operation Unit Maritime Group &#x27;yung nanghuli po is &#x27;yung Quezon Special Boat Unit. In coordination na rin po ng PCSD, nag-conduct sila ng joint operations. Nahuli nila &#x27;yung 2 identified na illegal traders,” ani Police Inspector Mikee Dawn Sagaray, Police Community Relations Officer, 2nd Special Operation Unit Maritime Group.Ayon kay Forester Jovic Fabello, tagapagsalita ng PCSD, maparaan na ang mga ilegal na nanghuhuli ng ibon upang hindi mahalata ang pag-iipon nila ng mga ito.&quot;Du&#x27;n sa likod ng bahay nila mayroong ilog doon at doon nila itinatago &#x27;yung mga cage ng mga ibon. Mayroong isang area doon na parang falls na &#x27;yung bagsak ng tubig. Sa likod noon may awang and may space doon na hindi nababasa. Du&#x27;n nila tinatago &#x27;yung mga ibon at doon nila pinapakain. Of course, ang maririnig mo lang iyong lagaslas ng tubig,&quot; ani Fabello.Hinala ng PCSD, maliliit pa ang ibon nang hinuli. Pinapalaki at pinaparami muna ito bago ibyahe pa-Maynila para ibenta.“Pagka-marami na at ready for shipment, then that’s the time na i-si-ship nila through pump boats or lantsa. Kung ang current rate nito noon is P100 per ulo ng ibon, siguro baka ngayon nasa P250 na per ulo. And then pagdating niyan sa Maynila baka papalo &#x27;yan ng mga P3,000 hanggang P5,000 isang piraso,” dagdag ni Fabello.Dagdag pa nito, suspetsiya nila, may malaking grupo na nasa likod ng ilegal na pagbebenta at panghuhuli ng mga buhay-ilang sa Palawan.“We suspect na . . . clandestine operation na talagang malakihan na ito. Kasi in the past wala tayong masyadong nahuhuli na ganitong kalalaki. But this time nakita naman natin na parang bumabalik &#x27;yung aktibidades ng mga nag-i-ilegal sa ibon sa southern portion ng Palawan,&quot; paliwanag ni Fabello.Kaya patuloy umanong iimbestigahan ng mga awtoridad ang mga ilegal na nanghuhuli ng mga hayop sa lalawigan.Dinala naman ang mga ibon sa Palawan Wildlife Rescue and Conservation Center at inaasahang pakakawalan sa kagubatan matapos mai-rehabilitate.Haharap sa kasong paglabag sa Republic Act 9147 o Philippine Wildlife Act ang dalawang suspek na nasa kustodiya na ngayon ng Quezon Special Boat Unit.

Nasabat ng mga awtoridad ang 35 kiyaw at 12 pikoy sa tahanan ng 2 lalaki sa bayan ng Quezon, Palawan nitong Lunes.

Nasabat ng mga awtoridad ang 35 kiyaw at 12 pikoy sa tahanan ng 2 lalaki sa bayan ng Quezon, Palawan nitong Lunes.

Iba’t ibang ibon, nakumpiska sa Palawan; mga umano’y ilegal na trader, timbog

News

Entertainment

Lifestyle

Sports

Metro.Style

More

Sudoku

Word of the Day

Lotto

Horoscope

News

Iba’t ibang ibon, nakumpiska sa Palawan; mga umano’y ilegal na trader, timbog

Diana Lat,

ABS-CBN News

Published June 13, 2018 09:54 PM PHT

|

Updated June 13, 2018 11:09 PM PHT

Read More:

Palawan

ibon

RA 9147

Tagalog news

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.