Push Admin

Article (news)

Magkakapamilya, naghahanapan sa Marawi

ABS-CBN News

<figure class="op-interactive"><iframe allowfullscreen="" frameBorder="0" height="315" src="https://www.youtube.com/embed/P8o-vvC6mKc" width="560"></iframe></figure>Hindi lang mga bahay at kabuhayan ang napinsala sa digmaan sa Marawi. Nagkawatak-watak din ang magkakapamilya at ngayon ay kanya-kanyang gawa ng paraan para mahanap ang mga nawawala. Dahil wala pang paraan para malaman ang kalagayan ng ibang nawawala, social media na ang ginagamit ng ilan sa pagbabasakaling mahanap ang mga ito. Ini-upload ng pamilya Guro sa social media ang larawan ng kanilang apo na si Yassin Guro Sultan, 17 taong gulang. Huli siyang nakita sa may Basac Malutlut noong gabing lusubin ng Maute group ang Marawi City. Ayon sa kanyang pamilya, nagtago raw si Yassin sa ilalim ng mga sasakyan at hindi na muling nakita. Umaabot na sa halos 900 ang nakatawid nang ligtas mula sa danger zone. Pero ayon sa Provincial Crisis Management Committee, mahirap malaman kung ilan pa talaga ang bilang ng mga sibilyan na naiipit pa rin sa bakbakan, lalo&#x27;t may mga ulat na meron ding mga bangkay na hindi pa narerekober sa war zone.Kaya plano ng lokal na pamahalaan na maglagay ng isang help desk para sa mga pamilyang naghahanap ng kaanak nila.Maaari ding mag-iwan ng DNA sample sa help desk sakaling kailanganin sa pagkilala sa mga nawawalang kaanak.Sa kabila nito hindi nawawalan ng pagasa ang mga kaanak ng mga hindi pa nakikita. &quot;Alam namin na makikita pa siya. Kung naririnig mo kami, mag-text ka naman,&quot; sabi ni Joan Ocuram, nawawalan ng kaanak. <div>DOH, nagmo-monitor sa evacuation centers </div>Patuloy ang pag-monitor ng Department of Health (DOH) sa kalagayan ng mga evacuation center, lalo&#x27;t ilang batang evacuees na ang naiulat na namatay.Bukod sa pagtatae, nagkakaroon na rin ng iba&#x27;t ibang sakit ang ilan tulad ng tigdas at bulutong.Ayon sa DOH, magsisimula na silang magbigay ng bakuna laban sa mga sakit na ito.Naitala na rin ng DOH ang dalawang kaso ng cholera, kaya payo nila sa mga evacuee, sikapin na mapanatili ang kalinisan para hindi kumalat ang sakit.<div>--Ulat ni Raphael Bosano, ABS-CBN News</div>

Hindi lang mga bahay at kabuhayan ang napinsala sa digmaan sa Marawi. Nagkahiwa-hiwalay ang magkakapamilya at ngayon ay kanya-kanyang gawa ng paraan para mahanap ang mga nawawala.

Hindi lang mga bahay at kabuhayan ang napinsala sa digmaan sa Marawi. Nagkahiwa-hiwalay ang magkakapamilya at ngayon ay kanya-kanyang gawa ng paraan para mahanap ang mga nawawala.