Push Admin

Estado ng kalusugan ni Duterte, ipinananawagang ipaalam

Article (news)

ABS-CBN News

<figure class="op-interactive"><iframe width="560" height="315" src="https://www.youtube.com/embed/svu4n4j4HW4" frameBorder="0" allowfullscreen=""></iframe></figure>Tila hindi bumenta ang ipinakitang retrato ng kampo ni Pangulong Rodrigo Duterte nitong Huwebes bilang patunay na walang sakit ang punong ehekutibo, at ito ay nagpapahinga lamang. Tuloy naman ang paggigiit na malaman ang tunay na estado ng kalusugan ng pangulo.Naglabas ng mga retrato si Special Assistant to the President Bong Go bilang patunay na walang sakit ang Pangulo at tahimik lang itong nagpapahinga habang tuloy sa trabaho.May kuha rin ang pangulo na naglalakad sa Villamor Air Base bago sumakay ng eroplano pauwi ng Davao City. Kahit pa nakita na ito ng grupong &#x27;Right to Know, Right Now Coalition&#x27;, nais nila ng kumpletong ulat sa kalusugan ng pangulo.&quot;Hindi puwede ang picture, ang larawan lang na nakatayong tao. I&#x27;m not saying that the president has serious illness. I don&#x27;t know. That&#x27;s precisely [why] we&#x27;re asking,&quot; ani Atty. Eirene Aguila, co-convenor ng Right to Know, Right Now Coalition.Importanteng lumabas ang pangulo sa panahong ito na may pinagdadaanan ang bansa, ani Aguila. &quot;Kailangan natin ng lider ngayon lalo&#x27;t may krisis sa Mindanao. May sinasabing may security threat ngayon sa ibang parte ng bansa. Who is calling the shots ba today?&quot; aniya.Kailangang idetalye ng isang doktor, hindi ng mga tagapagsalita ng pangulo, ang tunay na estado ng kalusugan ni Duterte, ayon naman kay Dean Maria Fe Mendoza ng University of the Philippine National College of Public Administration and Governance.&quot;Sana doktor niya ang magsalita kasi &#x27;yun ang may kakayahang sumagot talaga nang buo tungkol sa kalusugan ng pangulo,&quot; Ani Mendoza.Nag-aalala na rin sa kalusugan ng pangulo maging ang mga simpleng mamamayan. &quot;Kung may sakit siya, sabihin niya para alam natin paano makatulong,&quot; ani Angelita Riamon.Si Senador Kiko Pangilinan naman, tanggap man ang pahayag ng Malacañang, nababahala na rin sa tagal ng hindi pagpapakita ng pangulo sa publiko. Dagdag pa niya, karapatan ng publikong malaman ang katotohanan. Pabor naman si Senate President Koko Pimentel na magsalita ang Malacañang sa estado ng kalusugan ng pangulo kung malubha lamang ito. Naniniwala si Pimentel na &#x27;minor&#x27; lang ang rason ng biglaang pagbabakasyon ng pangulo kaya di na nagsasalita pa ang Malacañang. <div>-- Ulat ni Sherrie Ann Torres, ABS-CBN News</div>

Tuloy ang paggigiit na malaman ang tunay na estado ng kalusugan ni Pangulong Rodrigo Duterte kahit may retrato mula sa kampo niya nitong Huwebes bilang patunay na wala itong sakit.

Tuloy ang paggigiit na malaman ang tunay na estado ng kalusugan ni Pangulong Rodrigo Duterte kahit may retrato mula sa kampo niya nitong Huwebes bilang patunay na wala itong sakit.