Push Admin

Ama, pursigidong magtrabaho para sa pamilya, 2 anak na may hydrocephalus

Article (news)

Mylce Mella, ABS-CBN News

<div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2017/news/06/17/bike-ama-2017-061717.jpg?ext=.jpg"/><figcaption><div class="embed-desc">Nagbibisikleta si Magno Saminada papuntang trabaho, araw-araw. <cite>Mylce Mella, ABS-CBN News</cite></div></figcaption></figure></div>RAGAY – Espesyal para sa 40-taong gulang na si Magno Samiñada ang araw na Biyernes. Ito kasi ang araw na makakauwi siya sa kaniyang pamilya matapos mawalay ng isang linggo dahil sa trabaho.Sakay ng bisikleta, tatlong oras siyang bumibiyahe mula Sipocot, Camarines Sur papunta sa bayan ng Ragay. Matapos ang 25-kilometrong biyahe ay maglalakad pa siya ng kalahating kilometro papunta sa kanilang bahay, kung saan naghihintay ang lima niyang anak.Ang dalawang anak na lalaki na sina MacNeal, 13-taong gulang, at Jonel, 12 anyos, ay parehong may hydrocephalus. Pag-uwi ay agad niya itong inaasikaso. Kamakailan lang ay nagkasakit ang mga ito. Bagama’t ayaw ng asawa ni Samiñada na magpakita sa ABS-CBN News, kuwento niya ay sinubukan nilang ipagamot sina MacNeal at Jonel noong bata pa ang mga ito. Maliban sa kahirapan, ang abiso sa kanila ay iikli ang buhay ng mga ito.Ang bunso ni Samiñada ay anim na buwan pa lang, halos kaedad ng kanyang apo sa panganay na si Janet.Ayon kay Janet, sa kabila ng kanilang sitwasyon, hindi niya narinig na magreklamo ang ama kailanman.“Pagdating niya po, siya pa nag-aasikaso sa mga kapatid ko. &#x27;Pag walang trabaho, naghahanap siya. &#x27;Di ko siya narinig magreklamo,” aniya.Ngayong mainit pa, sa construction ang trabaho ni Samiñada. Isa siya sa nag-aayos ng simbahan sa Sipocot.Bilib din umano ang paring si Fr. Sam Bersabe sa kasipagan ni Samiñada.Kahit Sabado o Linggo, nakikitrabaho ito, may maiuwi lang sa pamilya. At ngayon na papalapit na ang tag-ulan, pangingisda naman ang plano niyang pasukin, may maitustos lang sa mga pangangailangan ng kanyang pamilya.Simple lang ang kanyang pangarap—ang maipagamot muli sina MacNeal at Jonel, at ang makapag-aral ang kanyang mga anak, kahit mahirap at malabo pa ito sa ngayon.“Mahal na mahal ko ang mga anak ko kahit anong mangyari. &#x27;Di ko pwedeng pabayaan. Kahit ganun &#x27;yun pinipilit ko mag hanap-buhay mapaayos lang sila. Kahit sila may sakit, pinagpupuyatan ko talaga. Kahit ako puyat, trabaho pa rin,” ani Samiñada.Ilang beses na niyang tinanggihan ang alok na magtrabaho sa Maynila, kung saan mas mataas sana ang kita. Pero wala siyang plano na ipagpalit ang kahit linggo-linggong makita ang mga anak na kanyang lakas at inspirasyon.

RAGAY – Espesyal para sa 40 taong gulang na si Magno Samiñada ang araw na Biyernes—ito kasi ang araw na makakauwi siya sa kaniyang pamilya.

RAGAY – Espesyal para sa 40 taong gulang na si Magno Samiñada ang araw na Biyernes—ito kasi ang araw na makakauwi siya sa kaniyang pamilya.

Ama, pursigidong magtrabaho para sa pamilya, 2 anak na may hydrocephalus

News

Entertainment

Lifestyle

Sports

Metro.Style

More

Sudoku

Word of the Day

Lotto

Horoscope

News

Ama, pursigidong magtrabaho para sa pamilya, 2 anak na may hydrocephalus

Mylce Mella,

ABS-CBN News

Published June 17, 2017 01:48 PM PHT

Read More:

father

Father's Day

Tagalog news

Bicol

ama

itay

hydrocephalus

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.